ព្យាករណ៍គូ Manchester City vs Sevilla ម៉ោង៣ថ្ងៃទី៣វិច្ឆិកា
Manchester City នឹងប្រកួតជាមួយ Sevilla នៅក្នុងកីឡដ្ឋាន Etihad សម្រាប់ការប្រកួតក្នុងពូល G ក្នុងក្របខណ្ឌ UEFA Champions League។
ក្រុមម្ចាស់ផ្ទះបច្ចុប្បន្នកំពុងឈរកំពូលតារាង ដោយមាន១១ពិន្ទុ ខណៈក្រុមភ្ញៀវឈរនៅលេខ៣ មាន៥ពិន្ទុ។ Manchester City បានរក្សាតំណែងកំពូលរួចទៅហើយ ហើយនេះគឺជារដូវកាលទី៦ជាប់ៗគ្នា របស់ពួកគេ សម្រាប់ការឈរនៅលើកំពូលក្រុមនៅក្នុងការប្រកួតនេះ។
Sevilla គួរតែសប្បាយចិត្តជាមួយនឹងកៅអី Europa League ខណៈដែលពួកគេមិនអាចបំបាក់ក្រុមលេខ២ Dortmund ដែលមានកំណត់ត្រានាំមុខខ្លាំងជាងពួកគេ។
Manchester City ប្រកួតចាញ់តែ១ប្រកួតគត់ ក្នុងការប្រកួត១៩ចុងក្រោយ ក្នុងគ្រប់ការប្រកួតទាំងអស់ ដោយឈ្នះ១៣ប្រកួត និងស្មើ៥ប្រកួត។ ពួកគេបានប្រកួតឈ្នះការប្រកួតក្នុងដី ១៤លើកចុងក្រោយ។
Sevilla ប្រកួតឈ្នះតែ២ប្រកួតប៉ុណ្ណោះ ក្នុងចំណោម១១ប្រកួតចុងក្រោយ ដោយស្មើ៥ប្រកួត និងចាញ់៤ប្រកួត។ ពួកគេបានប្រកួតចាញ់តែ១ប្រកួតគត់ ក្នុងចំណោមការប្រកួតក្រៅដី ៦លើកចុងក្រោយ។
ការព្យាករណ៍ : ក្រុមទាំងនេះធ្លាប់បានជួបគ្នា៣លើករួចមកហើយ ក្នុងក្របខ័ណ្ឌ Champions League ដោយ Manchester City ឈ្នះទាំង៣ប្រកួត។ Man City រកបាន៩គ្រាប់ ក្នុង៣ប្រកួតនេះ ខណៈដែលរបូតតែ២គ្រាប់ប៉ុណ្ណោះ។
City ខកខានមិនអាចស៊ុតបញ្ចូលទី ក្នុងការប្រកួត២លើកចុងក្រោយ ក្នុងពានរង្វាន់នេះ ហើយសង្ឃឹមថា នឹងអាចរកគ្រាប់បាល់បានសម្រាប់ការលេងនៅក្នុងដី។ យើងជឿថា City នឹងធ្វើការដឹកនាំនៅតង់ទីមួយ និងបន្តនាំមុខយកឈ្នះក្នុងការប្រកួតនេះ៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
