៥ប្រកួតបន្ទាប់ពីលោក Graham Potter បានចាកចេញពី Brighton ពួកគេមិនទាន់ប្រកួតឈ្នះមួយប្រកួតនៅឡើយទេ ហើយនៅក្នុងការប្រកួតសប្តាហ៍នេះ ពួកគេត្រូវជួបជាមួយក្រុមដែលដឹងនាំដោយលោក Graham Potter វិញម្តង។

Brighton នឹង​ត្រូវ​ធ្វើជាម្ចាស់ផ្ទះ ​ដើម្បី​ទទួល​ក្រុមភ្ញៀវ Chelsea ក្នុង​ក្រប​ខ័ណ្ឌ Premier League ដោយ​ក្រុម​ទាំង​ពីរ ​ទើបតែបញ្ចប់លទ្ធផលការ​ប្រកួត​ផ្ទុយ​គ្នា។ Brighton ឈរនៅលេខ៩ មាន១៥ពិន្ទុ​ ហើយ Chelsea ឈរនៅលេខ៥មាន២១ពិន្ទុ។

Brighton ប្រកួតចាញ់ Manchester City ដោយលទ្ធផល​ ៣-១​ រីឯ Chelsea វិញបានប្រកួតឈ្នះក្រៅដី ២-១​ លើ RB Salzburg ។

Chelsea មិន​ស្គាល់​ការប្រកួតចាញ់​នោះទេ ក្នុង​ការ​ប្រកួត​៩​លើក​ចុង​ក្រោយ​ ហើយ​រក​បានគ្រាប់បាល់​២​គ្រាប់ ក្នុង​​៥​ប្រកួត​​​ចុងក្រោយផងដែរ។ ការប្រកួតនៅក្រៅដី Chelsea ឈ្នះ ៤ប្រកួត ក្នុងចំណោម៥ប្រកួតចុងក្រោយ ហើយពួកគេមិនបានរបូតគ្រាប់បាល់៣ប្រកួត។

Brighton មិនបានស៊ុតបញ្ចូលទី៣ប្រកួត ក្នុងចំណោម៥ប្រកួតចុងក្រោយ ហើយនឹងត្រូវមានការកែលម្អជាច្រើន សម្រាប់ការប្រកួតនេះ។ ក្នុង​ការ​ប្រកួត​៥លើក​ចុង​ក្រោយ​ ពួក​គេ​បាន​បណ្តោយ​ឱ្យ​របូត​គ្រាប់​បាល់​បញ្ចូល​ទី​២​ ​ឬ​ច្រើន​ជាងនេះ៣​ប្រកួត​។ 

ការព្យាករណ៍​ :​ Brighton មិនបានស៊ុតបញ្ចូលទីនោះទេ ក្នុងការប្រកួត៣ចុងក្រោយ ហើយនៅក្នុងការប្រកួតនេះ ពួកគេប្រឈមមុខនឹងក្រុមដែលមានទម្រង់លេងល្អ។ Chelsea តែងស៊ុតបញ្ចូលទីបាន២គ្រាប់ ក្នុងការប្រកួត៣ចំណោម៥ប្រកួតចុងក្រោយ ហើយចំណែកឯ Brighton តែងរបូតគ្រាប់បាល់២ ឬ ច្រើនគ្រាប់ ក្នុងការប្រកួត៣ចំណោម៥ចុងក្រោយ។​ លទ្ធផលឈ្នះសម្រាប់​ Chelsea គឺជាជម្រើសដ៏ល្អក្នុងការប្រកួតនេះ៕