Liverpool នឹងធ្វើការស្វាគមន៍ Manchester City មកកាន់កីឡដ្ឋាន Anfield សម្រាប់ការប្រកួតក្នុងក្របខណ្ឌ English Premier League​ សប្តាហ៍នេះ។ ក្រុមម្ចាស់ផ្ទះបច្ចុប្បន្នកំពុងឈរនៅលេខ១០ ក្នុងតារាងដោយមាន១០ពិន្ទុ ខណៈក្រុមភ្ញៀវឈរនៅលេខ២មាន២៣ពិន្ទុ។

ការ​ប្រកួត​រវាង​ក្រុម​ទាំង​ពីរ​ជា​ញឹក​ញាប់​ ត្រូវ​បាន​គេ​សរសើរ​ថា​ ជា​ការសម្រេចថា​អ្នកណាជាម្ចាស់ពាន​ក្នុង​ប៉ុន្មាន​ឆ្នាំ​ចុង​ក្រោយ​នេះ ប៉ុន្តែ​រដូវ​កាល​នេះ Liverpool មាន​១៣​ពិន្ទុ​ តាម​ពី​ក្រោយ​ក្រុម​ម្ចាស់​ជើង​ឯក​រួច​ទៅ​ហើយ។

ពិន្ទុសរុបរបស់ហង្សក្រហមមាន១០ពិន្ទុពីការប្រកួត៨​លើ ដែលការចាប់ផ្តើមដ៏អាក្រក់បំផុតរបស់ពួកគេក្នុងរដូវកាល Premier League ក្នុងរយៈពេលមួយទសវត្សរ៍ចុងក្រោយ។ Man City មិនមានបញ្ហាបែបនេះទេ ហើយតាមពីក្រោយ Arsenal ត្រឹមតែមួយពិន្ទុប៉ុណ្ណោះ។

Liverpool ប្រកួតឈ្នះតែ៥ប្រកួតប៉ុណ្ណោះ ក្នុងចំណោម១២​ប្រកួតរដូវកាលនេះនៅក្នុងគ្រប់ការប្រកួតទាំងអស់ ដោយស្មើ៤ប្រកួត និងចាញ់៣ប្រកួត។

Manchester City បានប្រកួតចាញ់តែ១ប្រកួតប៉ុណ្ណោះ ក្នុងចំណោម២១​ប្រកួតចុងក្រោយរបស់ពួកគេ នៅក្នុងគ្រប់ការប្រកួតទាំងអស់ ជាមួយនឹងការចាញ់តែ១ប្រកួតគត់ ដែលកើតឡើងទល់នឹងគូប្រកួតរបស់ពួកគេមុនពេលចូលមកកាន់ការប្រកួតនេះ។

ក្រុម​ភ្ញៀវ​មាន​ប្រៀប​យ៉ាង​ខ្លាំង ​ក្នុង​ការ​ប្រកួត​លីគ​ ​ដែល​មិន​ស្គាល់ការប្រកួត​ចាញ់​ទាល់តែសោះ​​​ប្រាំប្រកួត​ចុង​ក្រោយ​ជាមួយនិង Liverpool។​ ពួកគេបានប្រកួតឈ្នះ២ប្រកួត និងស្មើ៣ប្រកួត​ ក្នុងចំណោម៥ប្រកួត ប៉ុន្តែមិនដែលបានឆ្លងកាត់៦ប្រកួតជាប់ៗគ្នា ដោយមិនដែលចាញ់ជាមួយក្រុមហង្សក្រហមឡើយ។

ការព្យាករណ៍:​ Liverpool បានប្រកួតឈ្នះការប្រកួតថ្មីៗបំផុតពីរ ទល់នឹង Man City ក្នុងពានរង្វាន់ Charity Shield និង FA Cup វគ្គពាក់កណ្តាលផ្តាច់ព្រ័ត្រ។​ ពួកគេមាន​ការ​រំភើប​ចិត្ត​ចំពោះ​ទម្រង់​លេង​របស់​ពួក​គេ​ បន្ទាប់ពីការ​យក​ឈ្នះដ៏ល្អលើ Rangers ដោយលទ្ធផល​ ៧-១ ក្នុង​ការ​ប្រកួត Champions League។ Liverpool នឹង​​ស្វែង​រក​វិធី​ ដើម្បី​ទប់ស្កាត់​ការ​ស៊ុត​បញ្ចូល​ទី​របស់ Erling Haaland ប្រសិន​បើ​ពួក​គេ​ចង់មាន​ឱកាស​ឈ្នះ​ការ​ប្រកួត​នេះ។ យើងជឿជាក់ថា Liverpool អាចធ្វើបានដោយការយកឈ្នះ ឬស្មើក្នុងការប្រកួតនេះ៕