Wolverhampton Wanderers កំពុងតែស្វែងរកការឡើងឱ្យផុតពីតំបន់កាត់ចោល នៅពេលដែលពួកគេត្រូវធ្វើជាម្ចាស់ផ្ទះ ដើម្បីទទួលក្រុមដ៏លំបាកមួយផ្សេងទៀត គឺ Nottingham Forest ក្នុងក្របខ័ណ្ឌ Premier League។

រហូតមកដល់ពេលនេះ ក្រុមទាំងពីរមិនទាន់មានការប្រកួតដ៏ល្អបំផុតទេ​ ហើយមានពិន្ទុឃ្លាតគ្នាត្រឹមតែ១ពិន្ទុប៉ុណ្ណោះរវាងពួកគេ​ ដោយ Wolves ឈរ​នៅ​លេខ​១៨ មាន​៦​ពិន្ទុ និង Nottingham លេខ​១៩ មាន​៥​ពិន្ទុ។

ក្រុមទាំងពីរចូលមកក្នុងការប្រកួតនេះ ដោយមិនបានទទួលជ័យជម្នះដូចគ្នា Wolves ប្រកួតចាញ់ Chelsea នៅក្រៅដី និង Nottingham ទើបប្រកួតស្មើជាមួយ Aston Villa។ ដូច្នេះ ក្រុមទាំងពីរហាក់មានការលំបាក ក្នុងការទទួលបានបីពិន្ទុ ក្នុងការប្រកួតនេះ។

Nottingham Forest កំពុងព្យាយាមយ៉ាងលំបាក នៅក្នុងក្របខណ្ឌ Premier League ពួកគេ​បន្ត​ទទួល​រងការស៊ុតបញ្ចូលទីជាច្រើន​ ហើយ​ហាក់​ដូចជា​ខ្វះ​ការ​ចុះសម្រុង​គ្នា​ក្នុង​ក្រុម។ Wolves ក៏កំពុងខិតខំព្យាយាមផងដែរ ហើយថ្មីៗនេះ បញ្ហាចម្បងរបស់ពួកគេ គឺនៅក្នុងទំរង់ប្រយុទ្ធ។

ការព្យាករណ៍:​ Wolves មិនបានស៊ុតបញ្ចូលទីច្រើនទេ ប៉ុន្តែយើងរំពឹងថា បទពិសោធន៍នៃការប្រកួតជាមួយក្រុមកំពូលៗរបស់ពួកគេ នឹងត្រូវបានលេងក្នុងប្រកួតនេះដូចគ្នា ទល់នឹងក្រុមដែលធ្វើមិនបានល្អ។ ក្នុងការប្រកួតនេះ យើងជឿថា​ Wolves នឹងទទួលបានជ័យជម្នះ៕