នេះជាប្រកួតទីមួយហើយដែល Man Utd នឹងលេងក្នុងផ្ទះសម្រាប់ការប្រកួត៤លើក ហើយពួកគេមកដល់ប្រកួតនេះ ដោយមាន៦ពិន្ទុ និងឈរនៅលេខ៣។​ ចំណែក Omonia Nicosia ឈរ​នៅ​បាត​តារាង​ដោយ​គ្មាន​ពិន្ទុ​នោះទេ។

United បានដេញតាមពីក្រោយ ដើម្បីយកឈ្នះលទ្ធផល ៣-២ ក្នុងជំនួបដំបូងរបស់ពួកគេជាមួយនិង Omonia Nicosia ហើយពួកគេនឹងបន្តការប្រយុទ្ធ ដើម្បីយកឈ្នះការប្រកួតនេះ ដែលអាចគ្រប់គ្រាន់ ដើម្បីធានាបានការឡើងទៅកាន់ជុំទីពីរ។

United បានប្រកួតឈ្នះ៣ប្រកួត ក្នុងការប្រកួត៤លើកចុងក្រោយ ហើយហាក់បីដូចជាការងើបឡើង បន្ទាប់ពីប្រកួតចាញ់យ៉ាងធ្ងន់ធ្ងរ ដោយ Manchester City ។

Omonia Nicosia ទើបតែបានប្រកួតចាញ់​ជា​លើក​ទី​២​ជាប់​គ្នា​ ហើយជាការប្រកួតចាញ់​លើក​ទី​៣ ​ក្នុង​ការ​ប្រកួត​៥​លើក​ចុង​ក្រោយ​។

Manchester United ត្រលប់​មក​ប្រកួតក្នុងផ្ទះ​វិញ ​បន្ទាប់​ពី​ប្រកួត​៤​លើកក្រៅដី​ជាប់ៗ​គ្នា។ លើកចុងក្រោយដែលប្រកួតនៅក្នុងផ្ទះ ពួកគេបានប្រកួតចាញ់ Real Sociedad ក្នុងពូលនេះ ហើយពួកគេសង្ឃឹមថា ធ្វើបានកាន់តែប្រសើរក្នុងការប្រកួតនេះ។​ 

ការព្យាករណ៍:​ Omonia Nicosia បាន​ចាប់​ផ្តើម​ការ​ប្រកួត​យ៉ាងល្អ ដោយប៉ះជាមួយ​នឹង United ប៉ុន្តែ​បានរលាយបាត់នៅ​ក្នុង​តង់​ទី​ពីរ ហើយ​បែរជាត្រូវ​​បរាជ័យទៅវិញ។​ ពួកគេខ្លាំងក្នុងទំរង់វាយប្រហារ ហើយយើងជឿថា ពួកគេនឹងរកគ្រាប់បាល់ក្នុងប្រកួតនេះ។ ដូច្នេះ លទ្ធផល​ក្រុម​ទាំង​ពីរនឹង​រក​គ្រាប់​បាល់បាន​ ពិតជាល្អបំផុត៕