AC Milan និង Chelsea មានការប្រកួតល្អគួរឱ្យចាប់អារម្មណ៍ កាលពីចុងសប្តាហ៍ក្នុងលីគរៀងៗខ្លួន ជ័យជម្នះរបស់ពួកគេបានធ្វើឱ្យពួកគេមានសន្ទុះទៅមុខ គួរឱ្យកត់សម្គាល់មុនការប្រកួត នៅក្នុងក្របខ័ណ្ឌ Champions League ។

នៅក្នុងការប្រកួតក្នុងពូល E នេះ Milan នឹងត្រូវធ្វើជាម្ចាស់ផ្ទះ បន្ទាប់ពីបានប្រកួតចាញ់ Chelsea ៣-០ ក្នុងការប្រកួត Champions League កាលពីជើងមុន។

ក្រុមទាំងពីរមាន៤ពិន្ទុដូចគ្នា ក្នុងពូលនេះ ដោយមានគ្រាប់បាល់ស៊ុតបញ្ចូលទីល្អជាង Chelsea បានឈរនៅលេខ២នាំមុខក្រុមលេខ៣​ Milan ។

Milan ទើបតែទទួលបានជ័យជម្នះ ២-០​ លើក្រុម Juventus ហើយ Chelsea មានកំណត់ត្រាជ័យជម្នះ ៣ប្រកួតជាប់ៗគ្នារបស់ពួកគេ បន្ទាប់ពីបានយកឈ្នះ ៣-០ លើក្រុម Wolverhampton Wanderers ។

ជ័យជម្នះរបស់ Milan លើក្រុម Juventus បានមកពីទំរង់លេងដែលខ្លាំងជាង ហើយការឈ្នះលើកទី៣របស់ពួកគេ ក្នុង៥ការប្រកួត​នឹងផ្តល់ឱ្យពួកគេនូវទំនុកចិត្ត ក្នុងការចូលទៅក្នុងការប្រកួតដ៏សំខាន់នេះ។

ការព្យាករណ៍:​ Milan ​មាន​ការ​ស៊ុត​បាល់​បញ្ចូល​ទី​យ៉ាង​ល្អជា​ពិសេសពេលប្រកួត​នៅ​ក្នុង​ផ្ទះ ប៉ុន្តែ​ Chelsea ក៏មិនងាយស្រួលក្នុងការ​បំបែក​ផងដែរ។ Chelsea តែងតែស៊ុតបាល់បញ្ចូលទី២​គ្រាប់ ឬច្រើនជាងនេះ ក្នុងការប្រកួត៣លើកចុងក្រោយរបស់ពួកគេ ហើយការប្រកួតរបស់ក្រុមទាំងពីរភាគច្រើនបញ្ចប់ ដោយគ្រាប់បាល់លើសពី ២.៥។ ហើយវាក៏នឹងត្រូវកើតមានក្នុងការប្រកួតនេះដូចគ្នា៕