ក្លឹបយក្សនៅអ៊ីតាលី Inter Milan នឹងត្រូវធ្វើជាម្ចាស់ផ្ទះ ដើម្បីទទួលក្លឹបយក្សនៅអេស្ប៉ាញ Barcelona ដែលនេះ ជាការប្រកួតជុំទី៣នៃក្របខណ្ឌ UEFA Champions League។

ក្រុម​ទាំង​ពីរ​មាន​បី​ពិន្ទុ​ស្មើគ្នាក្នុង​ពូលC ដោយ Barcelona ឈរនៅលេខ​២ និង Inter ឈរនៅលេខ​៣ ដោយ​សារគ្រាប់​បាល់​ខុស​គ្នា។​ មុនឈានមកដល់ការប្រកួតនេះ Inter បានប្រកួតចាញ់២ប្រកួតជាប់ៗគ្នា ដែល​ Barcelona ទើបតែ​ប្រកួត​ឈ្នះ​២ប្រកួត​ជាប់ៗ​គ្នា។

Inter Milan បានប្រកួតចាញ់ការប្រកួតបើកឆាកក្នុងពូល C នៅក្នុងផ្ទះ ហើយមុនឈានមកដល់នេះ ពួកគេប្រកួតចាញ់៣ប្រកួត ក្នុងចំណោមការប្រកួត៥លើក។ ក្នុង២​ការ​ប្រកួត​ចុង​ក្រោយ​របស់​ពួក​គេ ពួក​គេ​បាន​ស៊ុត​បាល់​បញ្ចូល​ទី​មុននគូប្រកួតប៉ុន្តែបញ្ចប់ដោយការ​ចាញ់ទៅវិញ។

ផ្ទុយពីនេះវិញ Barcelona ទើបតែប្រកួតឈ្នះ ១-០ លើក្រុម Mallorca ក្នុងក្របខណ្ឌ​ La Liga ដែលជាការឈ្នះលើកទី៤របស់ពួកគេ ក្នុងការប្រកួត៥លើកចុងក្រោយ ដោយគ្មានរបូតគ្រាប់បាល់លើកទី៣។

ការព្យាករណ៍:​ Barcelona ស្ថិតក្នុងទម្រង់លេងដ៏ល្អ ហើយពួកគេបានចូលមកក្នុងការប្រកួតនេះ ដោយមានកំណត់ត្រាជ័យជម្នះ៤ប្រកួត ក្នុងចំណោម៥ប្រកួតចុងក្រោយ។​ ផ្ទុយពីនេះវិញ Inter កំពុងតែជួបបញ្ហាក្នុង​ការ​ប្រកួត​២ចុង​ក្រោយ​ ដោយពួក​គេ​អាចបាន​ស៊ុត​បាល់​បញ្ចូល​ទី​មុនគូប្រកួត ប៉ុន្តែ​បែរជាចាញ់ការប្រកួតទៅវិញ។​ ពួកគេ​មិន​សូវ​ជាខ្លាំង​ក្នុង​ទំរង់​ការពារ​នោះទេ ហើយ​សម្រាប់ការប្រកួត​នេះយើង​ជឿជាក់ Barcelona នឹងប្រកួតឈ្នះ​ Inter៕