Bayern Munich​ ដែលជាក្រុមម្ចាស់ផ្ទះមានកំណត់ត្រាដ៏ល្អឥតខ្ចោះ ដោយឈ្នះពីរប្រកួតក្នុងការប្រកួតបើកឆាកទាំងពីរប្រកួត​ ហើយឈរនៅលើកំពូលតារាងដោយមាន៦ពិន្ទុ ខណៈដែលក្រុមភ្ញៀវមិនទាន់មានពិន្ទុនៅឡើយទេ និងកំពុងឈរនៅបាតតារាង។​ 

​ក្នុង​ក្រប​ខ័ណ្ឌ Bundesliga ក្រុម​ Bayern បាន​​ទទួល​ជ័យ​ជម្នះ​ការប្រកួត៤លើកចុងក្រោយ ជាមួយ​នឹង​ជ័យជម្នះយ៉ាងចាស់ដៃ​លើ​ក្រុម Bayer Leverkusen ដោយលទ្ធផល ៤-០ សម្រាប់​ការ​ប្រកួត​ចុង​ក្រោយ​របស់​ពួក​គេ។ Plzen ចូល​មក​ក្នុង​ការ​ប្រកួត​នេះ​ជាមួយនឹងលទ្ធផលត្រឹមការ​ស្មើ ១-១ ក្នុង​ក្រប​ខ័ណ្ឌ Czech League ។

Bayern មិន​បានប្រកួត​ចាញ់​ការ​ប្រកួត​វគ្គចែក​ពូល​ក្នុង​ផ្ទះ​ឡើយ​ សម្រាប់​ការ​ប្រកួតក្របខណ្ឌ Champions League ចាប់​តាំង​ពី​រដូវ​កាល​ឆ្នាំ២០១៣ ពីពេលដែល​ទទួល​បរាជ័យ​នោះ ពួក​គេ​សរុបរក​បាន៧៣ពិន្ទុ​ក្នុង​ចំណោម៧៥ពិន្ទុ​ ជាមួយ​នឹង​ការ​ឈ្នះ២៤ប្រកួត​ និង​ស្មើមួយប្រកួត។ 

Plzen បានប្រកួតចាញ់តែ២ប្រកួតប៉ុណ្ណោះ ក្នុងចំណោម១៨ប្រកួតចុងក្រោយរបស់ពួកគេ នៅក្នុងគ្រប់ការប្រកួតទាំងអស់ ប៉ុន្តែការបរាជ័យទាំង២ប្រកួតនេះ បានកើតឡើងក្នុងចំណោម៥ប្រកួតចុងក្រោយ។

ក្រុម​ទាំង​នេះ​ ធ្លាប់​បាន​ជួប​គ្នា​ពីរ​លើក​រួច​មក​ហើយ​ក្នុង​ក្រប​ខ័ណ្ឌ Champions League ដោយ​ Bayern​ បានយកឈ្នះ​ទាំង​ពីរ​ប្រកួត​ ដោយ​លទ្ធផល​សរុប ៦-០។

ការព្យាករណ៍:​ នេះ​ជា​ការប្រកួតដ៏លំបាក​សម្រាប់ Plzen ខណៈ​ដែល​ពួកគេ​នឹង​ត្រូវ​ប្រឈមមុខ​ជាមួយ​ក្រុម​ម្ចាស់ផ្ទះ​ ដែលទើបតែទម្រង់​លេងឡើង​វិញ។ ក្រុមភ្ញៀវមិនទាន់អាចរកសំណាញ់ទីបាននៅឡើយ​ បន្ទាប់ពីការប្រកួតពីរលើក ហើយពួកគេត្រូវប្រឈមមុខនឹងក្រុម ដែលមិនទាន់បានរបូតគ្រាប់បាល់នៅឡើយ។ Bayern កំពុងតែស្វែងរកជ័យជម្នះ៣ប្រកួតជាប់ៗគ្នា សម្រាប់រដូវកាលទី៤ នៃក្របខណ្ឌ Champions League របស់ពួកគេ។ យើងជឿជាក់ថា Bayern លេងខ្លាំងពេកហើយសម្រាប់ Plzen និងធ្វើការនាំមុខក្នុងតង់ទីមួយ មុនពេលបន្តការយកឈ្នះក្នុងការប្រកួតនេះដែរ ពេលបញ្ចប់ការប្រកួត៕