ការប្រកួតដ៏ធំមួយនៅចុងសប្តាហ៍នេះ​ គឺជាការប្រកួតរវាង​ Manchester City ជាមួយនិង​ Manchester United ដោយក្រុមទាំងពីរមាន៥ពិន្ទុដាច់ពីគ្នា។​ Manchester City ឈរលេខ២ មាន១៧ពិន្ទុ ខណៈ Manchester United ឈរលេខ៦ មាន១២ពិន្ទុ។

ការប្រកួតក្នុងលីគចុងក្រោយរបស់ Man Utd ជាមួយនិង Leeds United ត្រូវបានពន្យារពេល ហើយវាមានន័យថា ពួកគេនៅសល់មួយប្រកួតក្នុងដៃ។​ 

ក្នុង​ការ​ប្រកួត​៣លើក​ចុង​ក្រោយ​របស់​ Man City ពួកគេបាន​ស៊ុត​បាល់​បញ្ចូល​ទី ចាប់ពី​២​គ្រាប់ ​ឬ​ច្រើន​ជាង​នេះ ហើយ​ពួក​គេ​មិនមានរបូតគ្រាប់បាល់៣ប្រកួត​ក្នុង​ការ​ប្រកួត៥លើក​។ Manchester City មិន​ស្គាល់​ការប្រកួតចាញ់​ទាល់តែសោះ​ក្នុង​ការ​ប្រកួត​បើក​ឆាក​៩​លើក​របស់​ពួក​គេ​ក្នុង​រដូវ​កាល​នេះ។  

Manchester United ទើបតែទទួលបានជ័យជម្នះ ២-០​ លើក្រុម Sheriff ក្នុងក្របខ័ណ្ឌ Europa League ហើយជាមួយនឹងមិនមានរបូតគ្រាប់បាល់៣ប្រកួតក្នុងចំណោម៥ប្រកួត ពួកគេមានអារម្មណ៍ថាមានទំនុកចិត្តគ្រប់គ្រាន់ដើម្បីទប់ទល់នឹង City ។

Manchester City គឺជាក្រុមដែលមានទម្រង់លេងយ៉ាងច្បាស់  ពួកគេមិនទាន់ស្គាល់ការបរាជ័យក្នុងរដូវកាលនេះសម្រាប់ការប្រកួតទាំងអស់ ហើយវាងាយស្រួលក្នុងការមើលឃើញពីចេតនារបស់ពួកគេ គឺដើម្បីគ្រប់គ្រងការប្រកួតក្នុងលីគ។

ការព្យាករណ៍:​ Manchester City ស្ថិតក្នុងទម្រង់លេងដ៏អស្ចារ្យ ហើយការលេងក្នុងផ្ទះ គឺជាអត្ថប្រយោជន៍មួយសម្រាប់ពួកគេ។​​ ចូល​មក​ក្នុង​ការ​ប្រកួត​នេះ​ ពួកគេ​មិន​ទាន់ស្គាល់​រសជាតិ​ការចាញ់​ ក្នុង​រដូវ​កាល​នេះ​ទេ ដែល​ជា​កត្តា​មិន​អាច​បញ្ជាក់​បាន​ពី Manchester United។​ City មាន​ការ​ប្រកួតកន្លងមក​ល្អ​ជាង​ ក៏ដូចជា​ការ​ជួប​គ្នា​ថ្មីៗ​នេះផងដែរ​ យើង​ជឿជាក់ថាពួកគេ​នឹងយកឈ្នះ United​ ក្នុងការប្រកួតនេះ៕