Arsenal នឹងធ្វើការស្វាគមន៍ Tottenham មកកាន់កីឡដ្ឋាន Emirates សម្រាប់ការប្រកួតដែលត្រូវបានដាក់ឈ្មោះថា North London Derby នៅក្នុងក្របខណ្ឌ Premier League។​ ដែលនេះគឺជាការប្រកួតលើកទី១៩២ នៃការប្រកួតដែលត្រូវបានរង់ចាំយ៉ាងអន្ទះសារបំផុត សម្រាប់ការជួបគ្នារវាងក្រុមទាំងពីរក្នុងលីក។

ក្រុមម្ចាស់ផ្ទះបច្ចុប្បន្នកំពុងឈរនៅលើកំពូលតារាងដោយមាន ១៨ពិន្ទុ ខណៈដែលក្រុមភ្ញៀវ​កំពុងតាមពីក្រោយក្រុមលេខ៣​ចំនួន១ពិន្ទុ។

Arsenal ចាប់ផ្តើមរដូវកាលក្នុងលីគដ៏ល្អបំផុត​ ដោយបានប្រកួតឈ្នះ៥ប្រកួតដំបូង មុនពេលត្រូវបានផ្តួលដោយក្រុម Manchester United ។​ Tottenham ក៏បានចាប់ផ្តើមរដូវកាលដ៏អស្ចារ្យផងដែរ ហើយរួមជាមួយក្រុមម្ចាស់ជើងឯក Manchester City ដែលជាក្រុមមិនទាន់ស្គាល់ការប្រកួតចាញ់នៅក្នុងលីគ។

Arsenal នឹងដាក់កំណត់ត្រាការប្រកួតក្នុងផ្ទះ១០០%សម្រាប់ ខណៈ Tottenham សង្ឃឹមថា នឹងនៅតែមិនស្គាល់ការចាញ់ពេលបញ្ចប់៩០នាទី។ ក្រុមភ្ញៀវនឹងឡើងលើកំពូលតារាង ប្រសិនបើពួកគេឈ្នះក្នុងការប្រកួតនេះ។

Arsenal ធ្លាប់បានប្រកួតឈ្នះក្នុងផ្ទះពីរលើកចុងក្រោយរបស់ពួកគេជាមួយនឹងក្រុម Spurs​ ។ ការ​ប្រកួត​នេះ​នឹងកាន់តែធ្វេីឱ្យជក់ចិត្ត ខណៈដែល​អ្នក​ឈ្នះ​នឹងត្រូវបាន​ឈរ​លើ​កំពូល​តារាង។

ការព្យាករណ៍:​ ការ​ប្រកួត​នេះ​ផ្តល់​អតិភាព​យ៉ាង​ខ្លាំង​ដល់​ក្រុម​ម្ចាស់​ផ្ទះ ខណៈ​ការ​ប្រកួត​លីក​ចំនួន៥លើក​ចុង​ក្រោយ​រវាង​ក្រុម​ទាំងពីរ​ ​ក្រុមដែលជាម្ចាស់​ផ្ទះតែងតែទទួលបានជ័យជម្នះ។​ 
Arsenal បានប្រកួតចាញ់តែ១ប្រកួតគត់ក្នុងចំណោម២៩ប្រកួតក្នុងផ្ទះចុងក្រោយទល់នឹង Tottenham ដែលការចាញ់ម្តងចុងក្រោយនោះស្ថិតក្នុងកីឡដ្ឋាន Emirates ក្នុងខែវិច្ឆិកា ឆ្នាំ២០១០។​ យើងរំពឹងថា Arsenal នឹងបញ្ចប់កំណត់ការប្រកួតមិនដែលចាញ់របស់ Tottenham ដោយការយកឈ្នះក្នុងការប្រកួតនេះ៕