Robert Lewandowski ដែលជាកីឡាករស៊ុតបញ្ចូលទីដ៏អស្ចារ្យបំផុតរបស់ប៉ូឡូញ ដោយស៊ុតបញ្ចូលទីបាន៧៦គ្រាប់។ រហូតមកដល់ពេលនេះ Robert Lewandowski គឺជាកីឡាករស៊ុតបញ្ចូលទីអន្តរជាតិសកម្មបំផុតទី៥​ នៅលើពិភពលោកបន្ទាប់ពី Cristiano Ronaldo (ព័រទុយហ្គាល់), Lionel Messi (អាហ្សង់ទីន), Sunil Chhetri (ឥណ្ឌា) និង Ali Mabkhout (​អារ៉ាប់រួម)។ 

ការបង្ហាញខ្លួនលើកដំបូងរបស់គាត់សម្រាប់ក្រុមជម្រើសជាតិបានកើតឡើងនៅក្នុងខែកញ្ញា ឆ្នាំ២០០៨ នៅពេលដែលគាត់ត្រឹមជាកីឡាករបំរុង ហើយបានស៊ុតបញ្ចូលទីបានមួយគ្រាប់ក្នុងជ័យជម្នះ ២-០ របស់ប៉ូឡូញប្រកួតទល់នឹងក្រុម San Marino ក្នុងការប្រកួតជម្រុះ World Cup 2010 ។

Lewandowski បានបង្ហាញខ្លួនឲ្យប៉ូឡូញនៅ Euro 2012, Euro 2016, World Cup 2018 និង Euro 2020។

គាត់​ក៏​ជា​កីឡាករ​ស៊ុត​បញ្ចូល​ទីលើឆាក​អន្តរជាតិ​ច្រើន​​បំផុត​ទី​បី ​នៅ​អឺរ៉ុប ​តាម​ពី​ក្រោយ Ferenc Puskas (៨៤គ្រាប់) និង Cristiano Ronaldo (១១៧គ្រាប់)៕