គ្រូបង្វឹករបស់ Paris Saint-Germain លោក Christophe Galtier បានការពារប្រតិកម្ម "មិនសប្បាយចិត្ត" របស់ Neymar ចំពោះការផ្លាស់ប្តូរចេញនៅក្នុងការប្រកួត Ligue 1 របស់ពួកគេជាមួយនឹងក្រុម Lyon កាលពីថ្ងៃអាទិត្យ។

កីឡាករសញ្ជាតិប្រេស៊ីលដែលបានបញ្ជូនបាល់assisteទៅឱ្យ Lionel Messi ដើម្បីស៊ុតបញ្ចូលទី១គ្រាប់របស់ PSG ក្នុងការប្រកួតនោះ មានការខកចិត្តយ៉ាងខ្លាំង ខណៈដែលគាត់ហាក់ដូចជាបង្ហាញការមិនពេញចិត្ត ចំពោះការសម្រេចចិត្តរបស់លោក Galtier ក្នុងការជំនួសរូបគាត់ដោយកីឡាករ Carlos Soler នៅនាទី៨៦។

និយាយទៅកាន់ Prime Video ក្រោយចប់ការប្រកួត គ្រូបង្វឹករបស់​ PSG បាននិយាយពីប្រតិកម្មរបស់ Neymar ថា “ក្នុងការប្រកួតទាំងនេះ កីឡាករឆ្នើមៗត្រូវតែលេចធ្លោដូចជា Neymarនិង Messi យប់នេះដែលល្អខ្លាំងណាស់ Neymar បានធ្វើការច្រើនសម្រាប់ក្រុម។ គាត់បាតប្តូរចេញ តាម​គំនិត​ខ្ញុំ មិនរីករាយបន្តិច និង​ខឹង​បន្តិច ប៉ុន្តែ​វា​ជា​រឿង​ធម្មតា​។ គាត់​មាន​អាកប្បកិរិយា​ដែលយើងមិនអាចនឹងបន្ទោសបានទេ។”

Neymar ​ត្រូវ​បាន​ឱ្យដឹងថា នឹងមានវត្តមាន​បន្ទាប់​ក្នុង​ការ​ប្រកួត​ឱ្យ​ក្រុមជម្រើសជាតិប្រេស៊ីល ​ក្នុង​ការ​ប្រកួត​មិត្តភាព​អន្តរជាតិ​ជាមួយ​នឹង​ក្រុម​ហ្គាណា​ នៅ​ថ្ងៃ​ទី ២៤ ខែ​កញ្ញា៕