Brentford នឹងធ្វើជាម្ចាស់ផ្ទះ ដើម្បីទទួលក្រុមឈរនៅកំពូលតារាង Arsenal ក្នុងកីឡដ្ឋាន Brentford Community Stadium។​ 

កីឡាកររបស់លោក Thomas Frank បានចាប់ផ្តើមលីគដ៏គួរឱ្យចាប់អារម្មណ៍ ដោយបង្ហាញដល់ពិភពលោកម្តងទៀតថា ពួកគេពិតជាសាកសមលេងក្នុងចំណាត់លីគកំពូល។

ពួកគេឈរនៅលេខរៀងទី៨ ក្នុងតារាង ដោយមាន៩ពិន្ទុ ហើយមិនស្គាល់ការប្រកួតចាញនោះទេ ក្នុង៤ប្រកួតចុងក្រោយរបស់ពួកគេ និងប្រកួតចាញ់តែមួយប្រកួតគត់ ក្នុងចំណោម១០ប្រកួតចុងក្រោយ។​ 

Arsenal បាន​ស្រោចស្រង់​ភ្លាមៗ​ ពី​ការ​ចាញ់ពេលប្រកត​ជាមួយ​នឹង Manchester United ដោយ​បាន​វាយ​បក​យកជ័យ​ជម្នះមកវិញ​ ២-១ លើក្រុម​ Zurich នៅ​ក្រៅ​ដី​ ដែលកីឡាករ​វ័យ​ក្មេង Marquinhos បាន​បញ្ចេញ​ពន្លឺ​ក្នុង​ការ​បង្ហាញ​ខ្លួន​ជា​លើក​ដំបូង​ជាមួយ​នឹង​ការរកគ្រាប់​បាល់​បញ្ចូល​ទី និងការបញ្ជូនបាល់​ Assist ។

ក្រុមរបស់លោក Arteta មានពេលវេលាក្នុងការរៀបចំខ្លួន ជាស្រេចច្រើនជាងមួយសប្តាហ៍ពេញ សម្រាប់ការប្រកួតនេះផងដែរ បន្ទាប់ពីការប្រកួតបាល់ទាត់នៅអង់គ្លេសទាំងអស់ និងការប្រកួត Europa League ជាបន្តបន្ទាប់របស់ Arsenal ត្រូវបានពន្យារពេលនៅចុងសប្តាហ៍ ដោយសារតែការសោយទិវង្គតរបស់ម្ចាស់ក្សត្រី Elizabeth II ។

ការព្យាករណ៍​:​ នេះ​នឹង​ក្លាយ​ជា​ការ​សាកល្បង​ទំរង់លេងមួយ​របស់​ Arsenal ដែល​នឹងបង្ហាញ​ថា ​ពួក​គេ​ជា​ក្រុម​កំពូល​តារាង​លីគ ប៉ុន្តែ​នឹង​ត្រូវ​ព្យាយាមយក​ជ័យជន្នះមក​វិញ​ បន្ទាប់​ពី​ប្រកួតចាញ់ Manchester United លើក​ចុង​ក្រោយ។​ ជាមួយនឹងហាងឆេងដូចជាមើលស្រាលគុណភាពរបស់ Brentford បន្តិច ការព្យាករណ៍ថា ទាំងពីរក្នុងការរកគ្រាប់បាល់ គឺជាការភ្នាល់ដ៏ឆ្លាតវៃ តែជ័យជម្នះសម្រាប់ Arsenal​ ជាជម្រើសដ៏ល្អបំផុតសម្រាប់ការប្រកួតនេះ៕