Sevilla នឹងទទួលស្វាគមន៍ Barcelona មកកាន់កីឡដ្ឋាន Estadio Ramón Sánchez Pizjuán សម្រាប់ការប្រកួតក្នុងក្របខណ្ឌ​ La Liga ។​ ក្រុមម្ចាស់ផ្ទះឈរនៅចំណាត់ថ្នាក់ទី១៥ ដោយមានត្រឹមតែ១ពិន្ទុប៉ុណ្ណោះ ពីការប្រកួតចំនួន៣របស់ពួកគេ​ ដែលក្រុមភ្ញៀវឈរនៅលេខ៣ដោយមាន៧ពិន្ទុ ដែលលេងបានបីប្រកួតដូចគ្នា។

Sevilla កំពុងស្វែងរកការឈ្នះជាលើកដំបូងរបស់ពួកគេក្នុងរដូវកាលនេះ ហើយនេះជាលើកដំបូងចាប់តាំងពីរដូវកាល ២០១៥/១៦ ដែលពួកគេមិនបានទទួលជ័យជម្នះសោះក្នុងការប្រកួត៣លើក។

Sevilla បានបាត់បង់កីឡាករដ៏សំខាន់ម្នាក់ គឺកីឡាករ Jules Koundé ទៅកាន់គូប្រជែង Barcelona ហើយមិនបានចុះហត្ថលេខានាំយកកីឡាករសំខាន់ណាម្នាក់ ក្នុងអំឡុងពេលទីផ្សារដោះដូរកីឡាករឡើយ។

ពួកគេមាន​កំណត់ត្រា​ដ៏​ល្អ​ក្នុង​ផ្ទះ ខណៈ​ដែល​ប្រកួតចាញ់​តែ​១ប្រកួត​គត់​ ក្នុង​ចំណោមការ​ប្រកួត២០លើក​ចុង​ក្រោយ​របស់​ពួក​គេ ​គ្រប់​ការ​ប្រកួត​ទាំង​អស់។

Barcelona ​សង្ឃឹម​ថា​ នឹង​បន្តដំណើរ​ការឈ្នះថែមទៀត​ ខណៈ​ដែល​ពួក​គេ​បាន​ឈ្នះ​ការ​ប្រកួត​លីក​២លើក​ចុង​ក្រោយ​។​ កីឡាករដែលទើបតែផ្ទេរមក Robert Lewandowski បានឈានជើងចូលទីលាន ជាមួយនឹងការស៊ុតបញ្ចូលទី​ ខណៈដែលកីឡាកររូបនេះ រកបានមួយគ្រាប់ក្នុងការប្រកួតពីរលើកចុងក្រោយរបស់គាត់​ ហើយសម្រាប់គ្រាប់បាល់សរុបចំនួន៤គ្រាប់ បន្ទាប់ពីការប្រកួត៣ដង។

Barcelona បាន​បង្ហាញ​ទម្រង់​លេង​យ៉ាង​ល្អ ​ក្នុង​ការ​ប្រកួត​ចុង​ក្រោយ​របស់​ពួក​គេ ខណៈ​ដែល​ពួក​គេ​បាន​បំបាក់​ក្រុម Valladolid ដោយលទ្ធផល​៤-០។ ពួកគេបានចាប់ផ្តើមស្តារក្រុមរបស់ពួកគេឡើងវិញ ហើយបានគ្រប់គ្រងលើការផ្ទេរយកកីឡាករ ដែលមានសមត្ថភាពក្នុងការផ្លាស់ប្តូរការប្រកួតបាន។

Barcelona មិន​ទាន់ស្គាល់​ការចាញ់​នៅឡើយទេ​ សម្រាប់​ការ​ប្រកួត​១៣​លើក​ចុង​ក្រោយ​ ពី​គ្រប់​ការ​ប្រកួត​ទាំង​អស់ ដោយ​ឈ្នះ​៩​ប្រកួត និង​ស្មើ​៤​ប្រកួត។

សម្រាប់ការព្យាករណ៍
Sevilla មានប្រវត្តិផ្តួលក្រុម Barcelona តែម្តងគត់ក្នុង៣០ប្រកួតចុងក្រោយរបស់ពួកគេ រវាងក្រុមទាំងពីរដែលមានតាំងពីរដូវកាល ២០០៧/០៨ ។​ ទោះបីជាយ៉ាងណាក៏ដោយ ពួកគេមានកំណត់ត្រាប្រកួតក្នុងផ្ទះដ៏ល្អ ដែលបង្ហាញដោយការចាញ់តែ១ប្រកួតគត់ ក្នុងការប្រកួតលីគ២២លើកចុងក្រោយរបស់ពួកគេ។

Barcelona ស្ថិតក្នុងទម្រង់លេងដ៏ល្អកន្លងមក ហើយមានទម្រង់ការពារល្អផងដែរ ដោយបានរបូតគ្រាប់បាល់ត្រឹមតែមួយគ្រាប់ប៉ុណ្ណោះក្នុងការប្រកួតក្រៅដីបួនលើកចុងក្រោយរបស់ពួកគេ។​ ហើយនេះជាអ្វីដែលយើងអាចព្យាករណ៍ថា Barcelona នឹងឈ្នះក្នុងការប្រកួតនេះ៕