កីឡាករ​ Robert Lewandowski បានស៊ុតបញ្ចូលទីគ្រាប់បាល់ដំបូង សម្រាប់ប្រកួតប្រជែងរបស់គាត់នៅ Barcelona ក្នុងថ្ងៃខួបកំណើត៣៤ឆ្នាំ​របស់គាត់ ខណៈដែល​ Barcelona បានឈ្នះ Real Sociedad នេះជាកំណត់ត្រាជ័យជម្នះ La Liga ជាលើកដំបូងរបស់ពួកគេសម្រាប់រដូវកាលនេះ។

អតីតខ្សែប្រយុទ្ធរបស់ក្រុម Bayern Munich រកបានគ្រាប់បាល់ដំបូងរបស់គាត់បន្ទាប់ពីចាប់ផ្តើមការប្រកួតបានត្រឹមតែរយៈពេល ៤៧វិនាទី ​ដោយការបញ្ជូនបាល់ទាបរបស់កីឡាករ​ Alejandro Balde។

កីឡាករ​ Alexander Isak របស់​ Real Sociedad បានតាមស្មើវិញ ៦នាទី ក្រោយពីការស៊ុតបញ្ចូលទីរបស់ Lewandowski។​ ការស៊ុតបាល់ទាបរបស់ Ousmane Dembele បានធ្វើឱ្យមានការនាំមុខ ២-១, Lewandowski បន្តស៊ុតគ្រាប់បាល់ទី៣​ និង Ansu Fati បន្ថែមគ្រាប់បាល់ទី៤​។

Lewandowski បានប្តូរមកកាន់ Barca នៅរដូវក្តៅក្នុងកិច្ចព្រមព្រៀងតម្លៃ ៤២ លានផោនពី Bayern អំឡុងពេលដែលគាត់នៅសល់តែមួយឆ្នាំប៉ុណ្ណោះក្នុងកិច្ចសន្យារបស់គាត់ ខណៈដែលកីឡាករថ្មីផ្សេងទៀតរបស់ពួកគេគឺ Raphinha អតីតខ្សែប្រយុទ្ធ Leeds United របស់ប្រេស៊ីលបានប្តូរចូលលេងក្នុងតង់ទីពីរ៕