អតីតខ្សែបម្រើរបស់ក្រុម Arsenal កីឡាករ Aaron Ramsey បានចុះហត្ថលេខាជាមួយនិងក្លឹប Nice។ ការផ្លាស់ប្តូររបស់ Ramsey កើតឡើងបន្ទាប់ពីគាត់បានចែកផ្លូវជាមួយ Juventus ដោយក្រុមមានគោលបំណងជ្រើសរើស ដោយការរំលាយកិច្ចសន្យារបស់កីឡាករ។

កីឡាករ​សញ្ជាតិ​វែល​នឹង​បន្ត​អាជីព​នៅ Ligue 1 ខណៈ​ដែល​គាត់​សម្លឹង​ទៅ​មុខ ​ដើម្បីក្លាយជាកីឡាករ​តំណាង​ប្រទេស​របស់​គាត់ ​ក្នុង​ព្រឹត្តិការណ៍ World Cup នៅ​ចុង​ឆ្នាំ​នេះ។

ការផ្លាស់ប្តូរនេះ កើតឡើងបន្ទាប់ពី Ramsey បានចំណាយពេលពាក់កណ្តាលរដូវកាលជាមួយក្រុម Rangers​ ក្នុងលក្ខខ័ណ្ឌខ្ចីជើង ដោយបានជួយក្រុមស្កុតឡេនឈានដល់វគ្គផ្តាច់ព្រ័ត្រ Europa League មុនពេលមិនបានស៊ុតបញ្ចូលទីបាល់ពិន័យ១១ម៉ែត្រដ៏សំខាន់​ ដែលបានចាញ់ការប្រកួតចុងក្រោយក្រោមស្នាដៃក្រុម Eintracht Frankfurt ៕