Liverpool បានជួបបញ្ហារបួសកីឡាករនៅ​មុន​រដូវ​កាល ២០២២-២៣ ដែលកីឡាករ Diogo Jota នឹង​ត្រូវ​ទទួល​ការ​ធ្វើ​តេស្ដ​ បន្ទាប់​ពី​មាន​បញ្ហា​របួសសរសៃ​ពួរ​។ 

កីឡាករអន្តរជាតិរបស់ព័រទុយហ្គាល់រូបនេះ បានប៉ះទង្គិចសាច់ដុំម្តងរួចមកហើយនៅរដូវក្ដៅនេះ ពេលអវត្តមានមិនបានចូលរួមប្រកួតឱ្យប្រទេសរបស់គាត់ ក្នុងការប្រកួត UEFA Nations League​ ។

គាត់អាចចូលរួមប្រកួត ជាមួយក្រុមរបស់លោក Jurgen Klopp នៅប្រទេសថៃ មុនពេលការប្រកួតមិត្តភាពជាមួយក្រុម Manchester United ប៉ុន្តែមិនបានចូលរួមពេញការប្រកួតនោះទេ​ ហើយបច្ចុប្បន្ននេះ បានទទួលរងនូវបញ្ហាសុខភាពមួយផ្សេងទៀត អំឡុងពេលហ្វឹកហាត់ ហើយត្រូវបានកំពុងទៅពិនិត្យនៅប្រទេសសិង្ហបុរី។

Liverpool មិនបានបញ្ជាក់ឱ្យពីពេលវេលា សម្រាប់ការព្យាបាលរបស់ Jota នៅឡើយទេ ប៉ុន្តែលោក Jurgen Klopp បាននិយាយថា​ អ្វីដែលមើលឃើញជាក់ស្តែងភ្លាមៗ មើលទៅមិនល្អ សម្រាប់ខ្សែប្រយុទ្ធវ័យ២៥ឆ្នាំរូបនេះទេ៕