កីឡាករអន្តរជាតិរបស់អង់គ្លេស Sterling ត្រូវបានរំពឹងថា នឹងក្លាយជាកីឡាករសំខាន់ដំបូង របស់លោក​ Todd Boehly ចាប់តាំងពីរូបលោកក្លាយជាម្ចាស់ថ្មីរបស់​ Stamford Bridge។ 

Raheem Sterling បានខិតកាន់តែជិតដល់ការផ្លាស់ប្តូរផ្លូវការ ដើម្បីទៅកាន់ Chelsea បន្ទាប់ពីយល់ព្រមលើលក្ខខណ្ឌផ្ទាល់ខ្លួន ជាមួយក្លឹបនៅទីក្រុងឡុងដ៍។

កីឡាករវ័យ២៧ឆ្នាំរូបនេះ នៅសល់កុងត្រារយ:ពេលត្រឹមតែ ១ឆ្នាំទៀតប៉ុណ្ណោះ ហើយនឹងក្លាយជាកីឡាករសំខាន់ដំបូងរបស់លោក​ Todd Boehly ក្នុងនាមជាម្ចាស់ក្លឹប Chelsea ។

Sterling ត្រូវបានឱ្យដឹងថា​ បាននិយាយជាមួយអ្នកចាត់ការទូទៅរបស់ Chelsea លោក Thomas Tuchel ហើយមានបំណងលេងឱ្យគ្រូបង្វឹកសញ្ជាតិអាឡឺម៉ង់ ដែលបានដឹកនាំក្រុមរបស់គាត់ឱ្យទទួលជ័យជម្នះលើ Man City ក្នុងក្របខ័ណ្ឌ Champions League កាលពីឆ្នាំ២០២១៕