កីឡាករសញ្ជាតិហូឡង់ Matthijs de Ligt គឺជាគោលដៅសំខាន់សម្រាប់ភាគីជាច្រើននៅក្នុងទីផ្សារដោះដូរនេះ ហើយក្រុមតោខៀវកំពុងតែឈានមុខកាន់តែគាកហេីយនៅពេលនេះ។ 

តាមរយះសារព័ត៌មាន GOAL បានបញ្ជាក់ថា​ Chelsea នៅតែឈានមុខ Bayern Munich ក្នុងការស្វែងរកឱកាសដេីម្បីផ្ទេរខ្សែការពារកណ្តាល de Ligt ពី Juventus។  

ក្រុមតោខៀវបានកំណត់ថាកីឡាករសញ្ជាតិហូឡង់ជាគោលដៅសំខាន់ក្នុងរដូវក្តៅនេះ ដោយលោក Thomas Tuchel បានធ្វើការយឺតយ៉ាវបន្តិចក្នុងការចូលទៅក្នុងទីផ្សារ​តាមពីក្រោយការបញ្ជាក់ពីការនាំមុខរបស់ពួកគេដែលដឹកនាំដោយលោក​ Todd Boehly។ 

ប៉ុន្តែ Bayern Munich ក៏បានប្រជែងនឹងក្រុមតោខៀវ​ ក្នុងការស្វែងរកការចុះហត្ថលេខារបស់កីឡាករអន្តរជាតិហូឡង់ររូបនេះយ៉ាងក្តៅគគុក៕