ក្រុមកាំភ្លើងធំកំពុងរង់ចាំការឆ្លើយតប បន្ទាប់ពីការដាក់តម្លៃជាលើកទីពីររបស់ពួកគេលើកីឡាករអន្តរជាតិអាហ្សង់ទីន Lisandro Martinez។ 

ការដាក់តម្លៃលើកដំបូងរបស់ Arsenal សម្រាប់កីឡាករ ​Martinez គឺប្រហែល២៩លានផោន (៣៥.៥លានដុល្លារ) ដែល​ត្រូវ​បាន​ Ajax ច្រានចោល​ភ្លាមៗ ប៉ុន្តែ​ការ​ផ្តល់​ជូន​ដ៏​ប្រសើរ​មួយ ​បាន​កំពុងតែធ្វើឡើង។

កីឡាករអន្តរជាតិអាហ្សង់ទីន បានក្លាយជាគោលដៅដ៏សំខាន់មួយ សម្រាប់ក្រុមកាំភ្លើងធំនៅក្នុងរដូវក្តៅនេះ ខណៈដែលលោក Mikel Arteta សម្លឹងមើលការបន្ថែមលើផ្នែកការពាររបស់គាត់។

Arsenal មានសំណើមួយដែលត្រូវបានច្រានចោលរួចទៅហើយ សម្រាប់ខ្សែការពាររូបនេះ ប៉ុន្តែបច្ចុប្បន្ននេះ បានត្រឡប់មកវិញជាថ្មី ជាមួយនឹងការដាក់តម្លៃដ៏ប្រសើរឡើងមួយ សម្រាប់កីឡាករវ័យ២៤ឆ្នាំ ដែលបច្ចុប្បន្ន Ajax កំពុងតែធ្វើការពិចារណ៕