វីរបុរសរបស់ក្រុម Manchester United លោក Gary Pallister បានគាំទ្រកីឡាករវ័យក្មេង Alejandro Garnacho, James Garner និង Hannibal Mejbri ដើម្បីចូលរួមជាមួយក្រុមរបស់លោក Erik ten Hag នៅរដូវកាលក្រោយ។

គ្រូបង្វឹកថ្មីរបស់ United នឹងទទួលបានកីឡាករជាច្រើន ដែលគួរឱ្យចាប់អារម្មណ៍ក្នុងរដូវក្តៅនេះ ជាមួយនឹងយុវជនមួយចំនួនរបស់ក្លឹប ត្រូវបានជំរុញពួកគេឱ្យចូលរួមទៅក្នុងផែនការរបស់គាត់ បន្ទាប់ពីការប្រកួតដ៏គួរឱ្យចាប់អារម្មណ៍របស់ពួកគេកាលពីរដូវកាលមុន។ 

Alejandro Garnacho ស្ថិត​ក្នុង​ចំណោម​​យុវជន​ដែល​នឹងអាចបង្ខំ​ឱ្យ​ចូល​ទៅ​ក្នុង​ការលេងជាជំរើសដំបូង​នៅ Manchester United។​ ​Garnacho បាន​ក្លាយ​ជា​កីឡាករ​ឆ្នើម​ម្នាក់ ​ខណៈ​ដែលបានជួយ​ក្លឹប​ឱ្យ​លើក​ពាន FA Youth Cup ជា​លើក​ដំបូង​ចាប់​តាំង​ពី​ឆ្នាំ២០១១។​  កីឡាករ Hannibal ក៏​នឹង​ជាប់​ជាជំរើស​ក្រុម​ដំបូង​ក្នុង​រដូវ​ក្ដៅ​នេះ​ដែរ បន្ទាប់​ពី​បង្ហាញ​ខ្លួន​ជា​លើក​ដំបូង​របស់​គាត់​កាល​ពី​រដូវ​កាល​មុន។ ទន្ទឹមនឹងនេះកីឡាករ Garner អាចស្ថិតក្នុងផែនការរបស់លោក Ten Hag បន្ទាប់ពីបានដើរតួដ៏ធំមួយ នៅក្នុងការជួយឱ្យ Nottingham Forest ឡើងទៅកាន់ ​Premier League៕