ការចាកចេញរបស់ខ្សែប្រយុទ្ធសញ្ជាតិប្រេស៊ីល កាន់តែខិតជិតដល់ចុងបញ្ចប់ ជាមួយនឹងម្ចាស់ជើងឯក Premier League ដែលកំពុងតែមមាញឹក ក្នុងការផ្ទេរកីឡាករនារដូវក្តៅនេះ។ 

Gabriel Jesus ត្រូវបានរំពឹងថា នឹងក្លាយជាកីឡាករដំបូងដែលនឹងចាកចេញពី Manchester City នៅរដូវក្តៅនេះ ជាមួយនឹងកីឡាករល្បីៗ ជាច្រើនទៀត ដែលអាចនឹងចាកចេញបន្តបន្ទាប់។ 

កីឡាករប្រេស៊ីលកាន់តែខិតជិតដល់ការបញ្ចប់ ដើម្បីផ្លាស់ប្តូរទៅកាន់ទឹកដី​ Arsenal ដែលអាចនឹងមានលទ្ធភាពដល់ការប្រកាសអំពីកិច្ចព្រមព្រៀង នៅក្នុងប៉ុន្មានថ្ងៃខាងមុខនេះ​ នេះបើតាមការសិក្សារបស់​ GOAL។ 

ស្របពេលជាមួយគ្នានេះដែរ Everton កំពុងនាំមុខគេក្នុងការតាមប្រមាញ់យកកីឡាករអន្តរជាតិអ៊ុយក្រែន Oleksandr Zinchenko ខណៈដែល Chelsea ចង់បានខ្សែប្រយុទ្ធ Raheem Sterling៕