អង់គ្លេសនឹងធ្វើដំណើរទៅកាន់ប្រទេសអាឡឺម៉ង់ សម្រាប់ការប្រកួតជើងទីពីរ របស់ពួកគេ ក្នុងពូល៣នៃលីគA ក្នុងការប្រកួតពានរង្វាន់ Nations League បន្ទាប់ពីប្រកួតចាញ់ហុងគ្រី ១-០។​ អង់គ្លេសមានទម្រង់លេងមិនសូវល្អនោះទេ ក្នុងការប្រកួតនៅកីឡដ្ឋាន Puskas Arena ដែលពិតជាសាកសមនឹងឈរនៅក្រុមបាតតារាង ខណៈដែលអាឡឺម៉ង់ឈរនៅលេខ២បន្ទាប់ពីស្មើ ១-១ ជាមួយអ៊ីតាលី។​ 

​ប្រវត្តនៃការ​ជួប​គ្នា​៦ប្រកួត​ចុង​ក្រោយ​ អាល្លឺម៉ង់​បានទទួលជ័យជម្នះ​៣​លើក និង​អង់គ្លេស​ឈ្នះ២ប្រកួត​​។ អាល្លឺម៉ង់បានក្លាយជាក្រុមផ្សេងគ្នាចាប់តាំងពីលោក Hansi Flick ចូលមកកាន់តំណែង។  ​មុននឹងឈានមកដល់ការប្រកួត​​នេះ​ ពួកគេធ្វើបានយ៉ាង​ល្អ​សំរាប់ការប្រកួតក្នុង​ផ្ទះ ដោយ​ឈ្នះ​៤​ប្រកួត​ចុង​ក្រោយ ហើយ​មិន​ដែល​ចាញ់​ក្នុង​ការ​ប្រកួត​៦​លើក។​ 

ឈានមកដល់ការប្រកួតនេះអង់គ្លេសក្នុងនាមជាក្រុមខ្សោយ ហើយដូចជាមិនពេញចិត្តនឿទេដែលភ្លាមៗ ពួកគេត្រូវបានធ្វើដំណើរទៅកាន់ប្រទេសអាឡឺម៉ង់ បន្ទាប់ពីចាញ់ហុងគ្រីដែលជាក្រុមស្ថិតក្នុងចំណាត់ថ្នាក់ទាប។​ អាឡឺម៉ង់ធ្វើបានល្អក្នុងការទទួលបានលទ្ធផលស្មើនៅអ៊ីតាលី ហើយការប្រកួតនៅក្នុងផ្ទះពួកគេ ក៏ធ្វើបានល្អដែរ ក្រោមការដឹកនាំរបស់លោក Hansi Flick។  

សំរាប់ទម្រង់ថ្មីរបស់ម្ចាស់ផ្ទះ យើងទស្សន៍ទាយថា អាឡឺម៉ង់នឹងប្រកួតឈ្នះក្នុងការប្រកួតដ៏ធំមួយនេះ៕