តោខៀវកំពុងពិចារណា បើសិនជាអាចទៅរួច ក្នុងការចុះហត្ថលេខាទិញកីឡាករ ដើម្បីកែលម្អតំបន់ជួរមុខរបស់ខ្លួន​ ប៉ុន្តែពួកគេចង់កាត់បន្ថយចំនួនកីឡាករជាមុនសិន មុនពេលធ្វើដូច្នេះ។ 

Chelsea ស្ថិតក្នុងចំណោមក្លឹបដែលចាប់មានការអារម្មណ៍ទៅលើខ្សែប្រយុទ្ធ RB Leipzig កីឡាករ Christopher Nkunku ដែលបានឈ្នះពានរង្វាន់កីឡាករឆ្នើមប្រចាំឆ្នាំ នៅក្របខណ្ឌ Bundesliga ។

កីឡាករវ័យ២៤ឆ្នាំរូបនេះ​ កំពុងស្ថិតក្នុងការចចារកិច្ចសន្យាជាមួយម្ចាស់ពានរង្វាន់ DFB-Pokal ប៉ុន្តែក្រុមតោខៀវជឿជាក់ថា ពួកគេអាចបង្អាក់ដល់ការពិភាក្សានេះ និងទាញយកអត្ថប្រយោជន៍ផងដែរ។

Real Madrid ក៏កំពុងត្រួតពិនិត្យលើស្ថានការណ៍នេះផងដែរ បើទោះជាត្រូវបានរាយការណ៍ថា ក្លឹបមានអាទិភាពលើការចុះហត្ថលេខានាំយកលើខ្សែបម្រើ Aurelien Tchouameni របស់ Monaco ដែលកីឡាកររូបនេះ ក៏ជាគោលដៅរបស់តោខៀវផងដែរ៕