អនាគតរបស់តារាឆ្នើមសញ្ជាតិព័រទុយហ្គាល់ នៅ Old Trafford បានក្លាយជាសំនួរដ៏ក្តៅគគុក បន្ទាប់ពីក្លឹបខកខានមិនបានចូលរួមការប្រកួត Champions League។ 

លោក​ Erik ten Hag បានឆ្លើយតបយ៉ាងច្បាស់អំពីអនាគតរបស់ Cristiano Ronaldo នៅ Manchester United ក៏ប៉ុន្តែលោកមើលទៅដូចជាមានជំនឿខ្លាំងលើកីឡាករ Harry Maguire​ ទន្ទឹមពេលដែលបានផ្តល់ឱកាសថ្មីមួយ ដល់កីឡាករ Donny van de Beek។

គាត់បាននិយាយនៅពេលដែលត្រូវបានសួរថា តើខ្សែប្រយុទ្ធរូបនេះ អាចលេងក្នុងទម្រង់ផ្សេងគ្នារបស់គាត់ដែរឬទេ។ បន្ទាប់មក ក៏ត្រូវបានសួរ​បន្ថែម​ពី​អ្វី​ដែល​គាត់​រំពឹង​ពី Ronaldo ដែលអាច​នឹង​នាំ​មក​សំរាប់​ក្រុម​របស់​គាត់ Ten Hag បាន​ឆ្លើយយ៉ាងខ្លីថា៖ "គឺគ្រាប់​បាល់"។

អតីតគ្រូបង្វឹករបស់ Ajax បានចូលមកកាន់តំណែងជាគ្របង្វឹកថ្មីនៅ Old Trafford បន្ទាប់ពីរដូវកាលដ៏ខកចិត្តមួយសម្រាប់ក្រុមយក្សនៅ Premier League ដោយខកខានមិនបានឈ្នះពានរង្វាន់ ហើយថែមទាំងបញ្ចប់រដូវកាល ដោយមិនចូលរួមការប្រកួត Champions League ។

ទាំងនោះបានបង្កើតជាចម្ងល់អំពីអនាគតរបស់កីឡាករសំខាន់ៗ មួយចំនួន រួមបញ្ចូលទាំង Ronaldo ផងដែរ ប៉ុន្តែខណៈពេលដែល Ten Hag បានផ្តល់យោបល់នៅក្នុងសន្និសីទសារព័ត៌មានដំបូងរបស់គាត់ថា ខ្សែប្រយុទ្ធនឹងនៅដដែល គាត់បានឆ្លើយតបយ៉ាងរហ័សពីការរំពឹងទុករបស់គាត់៕