ក្រុមតោខៀវកំពុងស្ថិតក្នុងដំណាក់កាល នៃភាពជាម្ចាស់ថ្មី ប៉ុន្តែមានបញ្ហាជាច្រើនដែលត្រូវដោះស្រាយ រួមទាំងកិច្ចសន្យាកីឡាករ ការផ្ទេរ និងយុទ្ធសាស្ត្រ។

Chelsea បានប្រកួត២៤០នាទីចុងក្រោយទល់នឹង Liverpool ក្នុងរដូវកាលនេះ ហើយបានបង្ហាញពីការខិតខំប្រឹងប្រែងទាំងកាយ​និងចិត្ត​ ក៏ដូចជាបរិមាណនៃគុណភាព។

ប៉ុន្តែការពិតដែលគ្មានសំចៃនៅតែមាន​ ដែលក្រុមរបស់លោក Jurgen Klopp បានទទួលជ័យជម្នះពីរដង លើការស៊ុតបាល់ប៉េណាល់ទីទាំងក្នុងវគ្គផ្តាច់ព្រ័ត្រ FA Cup និង Carabao Cup។

Liverpool បច្ចុប្បន្នសម្រេចបាននូវអ្វីគ្រប់យ៉ាង ដែលក្រុមតោខៀវចង់បានចាប់តាំងពីការតែងតាំងលោក Thomas Tuchel ហើយបន្ទាប់ពីបានចំណាយប្រាក់៣២០លានផោន (៣៩២​លានដុល្លារ) ឆ្លងកាត់ការដោះដូរកីឡាករក្នុងរដូវក្តៅពីរចុងក្រោយ៕