គ្រូបង្វឹកសញ្ជាតិហូឡង់រូបនេះ នឹងមកដល់ Old Trafford មុនការរំពឹងទុក ដើម្បីចាប់យកភារកិច្ចនៅក្នុងដៃ។

Erik ten Hag បានបញ្ជាក់ថា គាត់នឹងចាប់ផ្តើមការងារនៅ Manchester United ក្នុងសប្តាហ៍នេះ​ មុនពេលដែលគេគិតថា គាត់នឹងមកនៅពេលបិទរដូវកាល​ ខណៈដែលអ្នកចាត់ការក្រុមបិសាចក្រហម នឹងត្រូវចូលមកត្រៀមរៀបចំផែនការរបស់គាត់ ក្នុងការបង្វែរក្លឹបឱ្យមកក្រោមការកាន់កាប់របស់គាត់។​ 

គ្រូបង្វឹករបស់ Ajax ដែលនឹងត្រវចាកចេញ​ បានប្រកាសថា គាត់នឹងចាប់ផ្តើមការងារភ្លាមៗ បន្ទាប់ពីការប្រកួត Eredivisie ចុងក្រោយរបស់គាត់នៅចុងសប្តាហ៍នេះ​ ដោយគ្រូបង្វឹកសញ្ជាតិរហូឡង់ បានធ្វើដំណើរទៅកាន់ Old Trafford ក្នុងសប្តាហ៍នេះ ដើម្បីចាប់ផ្តើមការងារ។

ទោះបីជាគាត់មិនត្រូវបានគេគិតថា នឹងចាំរហូតដល់ Ralf Rangnick បានលាលែងជាផ្លូវការពីតំណែងគ្រូបង្វឹកបណ្តោះអាសន្នក៏ដោយ លោក Ten Hag បានពន្យល់ថា គាត់ចង់មកមុន ដើម្បីទទួលយកបញ្ហាសំខាន់ៗ ដែលបានរួមចំណែកដល់ការធ្លាក់ចុះរបស់បិសាចក្រហម ក្នុងអំឡុងពេលនេះ៕