Manchester City បានយល់ព្រមលើលក្ខខណ្ឌជាមួយនឹងកីឡាករ Erling Haaland របស់​ Borussia Dortmund លើកិច្ចព្រមព្រៀងមួយ ដែលនឹងធ្វើឱ្យកីឡាកររូបនេះ ទទួលបានប្រាក់ឈ្នួល ៥០ម៉ឺផោនក្នុងមួយសប្តាហ៍ នេះបើយោងតាម​ Daily Mail។

កីឡាករអន្តរជាតិន័រវែសកើតក្នុងទីក្រុង Leeds ត្រូវបានរំពឹងថា នឹងផ្លាស់ប្តូរនៅរដូវក្តៅនេះ ខណៈដែល Man City រៀបចំលក្ខខណ្ឌនៃការដោះលែងក្នុងទឹកប្រាក់ ៦៣លានផោន (82 លានដុល្លារ)។

ម្ចាស់ជើងឯក Premier League សង្ឃឹមថា នឹងប្រកាសកិច្ចព្រមព្រៀងមួយ "នៅក្នុងសប្តាហ៍ក្រោយ ឬក៏យ៉ាងណា" ដែលនឹងធ្វើឱ្យ Haaland ក្លាយជាកីឡាករដែលមានប្រាក់ឈ្នួលខ្ពស់បំផុត ក្នុងប្រវត្តិសាស្ត្របាល់ទាត់អង់គ្លេស៕