ប្រភពមួយបានបញ្ជាក់ប្រាប់ ESPN ថា Kylian Mbappé នឹងប្តូរទៅពាក់អាវលេខ១០ នៅ Real Madrid រដូវកាលក្រោយ ដោយប្តូរពីអាវលេខ៩ ដែលគាត់បានពាក់ក្នុងរដូវកាលដំបូងជាមួយក្លឹប។

អាវលេខ១០ គឺនៅទំនេរក្រោយពេល ដែល Luka Modric ចាកចេញទៅចូលរួមជាមួយ AC Milan បន្ទាប់ពីបញ្ចប់ការស្នាក់នៅរយៈពេល ១៣ឆ្នាំនៅ Bernabeu។

Mbappé ក៏ពាក់លេខ១០ ជាមួយក្រុមជម្រើសជាតិបារាំង ហើយនេះក៏តែងតែជាផែនការរបស់គាត់ ក្នុងការយកលេខនេះ នៅ Real Madrid នៅពេលដែលវាគ្មានម្ចាស់។ ទោះជាយ៉ាងណាក៏ដោយ ក៏ Mbappé បានត្រៀមនឹងចំណាយពេលមួយរដូវកាលទៀត ជាមួយនឹងអាវលេខ៩ ប្រសិនបើ Modric បន្តកុងត្រាថ្មី។

Mbappé មានរដូវកាលដ៏គួរឱ្យចាប់អារម្មណ៍ជាមួយ Real Madrid បន្ទាប់ពីការផ្លាស់ប្តូរពី Paris Saint-Germain ដែលត្រូវរង់ចាំជាយូរកាលពីរដូវក្តៅមុន។

កីឡាករវ័យ ២៦ឆ្នាំរូបនេះ បានស៊ុតបញ្ចូលទី ៣១គ្រាប់ នៅ LaLiga ដើម្បីបញ្ចប់កីឡាករស៊ុតបញ្ចូលទីច្រើនជាងគេក្នុងការប្រកួត ហើយបានបញ្ចប់រដូវកាលដោយបានស៊ុតបញ្ចូលទី ៣៩គ្រាប់ នៅគ្រប់ការប្រកួតទាំងអស់ ចំនួននេះបានបំបែកកំណត់ត្រាគ្រាប់បាល់ចំនួន ៣៣គ្រាប់របស់ Cristiano Ronaldo ក្នុងរដូវកាលដំបូង នៅ Real Madrid ។

យ៉ាងណាមិញ Mbappe នៅតែប្រឈមមុខនឹងការរិះគន់មួយចំនួន ខណៈដែល Real Madrid បរាជ័យក្នុងការឈ្នះពានរង្វាន់ធំៗ បញ្ចប់រដូវកាលដោយឈរនៅលេខ២ តាមពីក្រោយ Barcelona នៅ LaLiga និងចាញ់ Arsenal ក្នុងការប្រកួតក្របខ័ណ្ឌ Champions League វគ្គ៨ក្រុមចុងក្រោយ៕