កីឡាករសញ្ជាតិស៊ុយអែត ​មិន​មាន​បំណង​ចូល​និវត្តន៍​នៅ​ឆ្នាំ​នេះ​ទេ ប៉ុន្តែ​ទទួល​ស្គាល់​ថា ​ជិតដល់ពេលគាត់​ត្រូវ​ព្យួរ​ស្បែក​ជើង​ហើយ។ Zlatan Ibrahimovic បានសារភាពថា គាត់មានអារម្មណ៍តក់ស្លត់ នៅពេលដែលគាត់គិតអំពីការចូលនិវត្តន៍ពីបាល់ទាត់។

កីឡាករវ័យ ៤០ឆ្នាំរូបនេះ មិនត្រូវបានគេរំពឹងថា នឹងព្យួរស្បែកជើងរបស់គាត់នៅរដូវក្តៅនេះទេ ខណៈដែលគាត់កំពុងពិភាក្សា ដើម្បីចុះហត្ថលេខាលើកិច្ចសន្យាថ្មីជាមួយ​ AC Milan។

ទោះជាយ៉ាងណាក៏ដោយ គាត់ដឹងថា ថ្ងៃដែលត្រូវបញ្ចប់អាជីពរបស់គាត់នឹងមកដល់​ ហើយគាត់គិតថា ជីវិតបន្ទាប់ពីបាល់ទាត់នឹងមាន "អារម្មណ៍ចម្លែក"៕