ការប្រកួតក្របខណ្ឌ Premier League ថ្ងៃសៅរ៍ ទី២២ ខែកុម្ភៈ ឆ្នាំ២០២៥ ដែលជាជំនួបរវាង Everton និង Manchester United នៅកីឡដ្ឋាន Goodison Park ។ 

ការមកដល់របស់លោក David Moyes បានផ្លាស់ប្តូរ Everton ជាច្រើន ដែលឥឡូវនេះ ពួកគេបណ្តោះអាសន្នមានគម្លាត ១៣ពិន្ទុ ឈរពីលើតំបន់កាត់ចោល។ 

Everton រកបាន ១៣ពិន្ទុ ពីការប្រកួតលីគ ៥ប្រកួតចុងក្រោយ ដោយឈ្នះ៤ និងស្មើ១។ ទម្រង់លេងដែលប្រសើរឡើងរបស់ពួកគេ គឺនៅក្នុងទឹកដីកីឡដ្ឋាន Goodison Park ខណៈដែលឈ្នះ២ និងស្មើ១ ក្នុងចំណោម ៣ប្រកួតចុងក្រោយក្នុងផ្ទះ។ 

ចំណែកឯ Man Utd បច្ចុប្បន្នកំពុងតាមពីក្រោយ Everton មួយពិន្ទុ ដែលមិនមានគ្រោះថ្នាក់ដល់រដូវកាលនេះឡើយ។ ប៉ុន្តែក្រុមភ្ញៀវកំពុងស្ថិតនៅក្រោមភាពតានតឹង សម្ពាធនៃការបាត់បង់ពិន្ទុ និងការបាត់បង់កីឡាករដោយសាររបួស បានធ្វើឱ្យការងារកាន់តែតានតឹងសម្រាប់លោក Ruben Amorim។ 

Man Utd ប្រកួតឈ្នះតែ ២ប្រកួតក្នុងចំណោម ៩ប្រកួតចុងក្រោយក្នុងលីគ។

ការព្យាករណ៍ : Everton គឺជាក្រុមខុសគ្នាពីមុនទាំងស្រុង ក្រោមការដឹកនាំរបស់លោក David Moyes ខណៈក្រុមរបស់លោក Ruben Amorim កំពុងជួបការលំបាក ហើយភាពតានតឹងនៃរបួសកីឡាករសំខាន់ ក៏កើនឡើងផងដែរ។
 
ដូច្នេះជម្រើសចម្បងរបស់យើងនៅក្នុងការប្រកួតនេះ គឺ ស្មើ។ Correct Score: Everton 1-1 Manchester United៕