ការប្រកួតក្របខណ្ឌ Premier League ថ្ងៃសៅរ៍ ទី១ ខែកុម្ភៈ ឆ្នាំ២០២៥ ដែលជាជំនួបរវាង Bournemouth និង Liverpool នៅកីឡដ្ឋាន Vitality ។ 

Bournemouth បច្ចុប្បន្ន មិនស្គាល់ចាញ់សោះ ១១ប្រកួតក្នុងលីគ ដោយឈ្នះ មានចំនួន ៧ប្រកួត ហើយពួកគេក៏កំពុងតែប្រជែងគ្នាយ៉ាងខ្លាំង ដើម្បីទទួលបានកៅអីនៅ Champions League សម្រាប់រដូវកាលក្រោយ។

រីឯការប្រកួតក្នុងផ្ទះ ១១ប្រកួត គិតមកទល់ពេលនេះ Bournemouth ប្រកួតចាញ់តែពីរដងប៉ុណ្ណោះ ខណៈដែលឈ្នះមានចំនួន ៦ប្រកួត។ ប៉ុន្តែជំនួបលើកចុងក្រោយទល់នឹង Liverpool បានឱ្យឃើញថា ក្រុមហង្សក្រហមឈ្នះយ៉ាងស្រួល ក្នុងលទ្ធផល ៤-០ ។

ចំណែកឯ Liverpool កំពុងតែឈរនៅលើកំពូលតារាងទាំង Premier League និង Champions League ហើយមិនស្គាល់ចាញ់សោះ ១៨ប្រកួតក្នុងលីគ និងប្រកួតចាញ់តែ ១ប្រកួតប៉ុណ្ណោះ ក្នុងចំណោម ៣០ប្រកួតចុងក្រោយ នៅគ្រប់ការប្រកួតទាំងអស់។ 

នៅក្នុងដំណើរប្រកួតមិនដែលចាញ់ ១៨ប្រកួតក្នុងលីគ Liverpool ប្រកួតឈ្នះសរុប ១៣ប្រកួត។ លើសពីនេះទៅទៀត ក្រុមហង្សក្រហម ឈ្នះ ៨ក្នុងចំណោម ១១ប្រកួតរដូវកាលនេះ រួមទាំងរក្សាបាន Clean Sheet ចំនួន ៥ប្រកួតផងដែរ។ 

ការព្យាករណ៍ : ជំនួបនាពេលថ្មីៗកន្លងមក រវាង Bournemouth និង Liverpool ឃើញថា ក្រុមហង្សក្រហមឈ្នះទាំង ៤ប្រកួតចុងក្រោយ។
 
ដូច្នេះជម្រើសចម្បងរបស់យើងនៅក្នុងការប្រកួតនេះ គឺ Liverpool ឈ្នះ។ Correct Score:  Bournemouth 0-1 Liverpool៕