Dybala នឹងមិនបន្តកិច្ចសន្យាថ្មីជាមួយ Juventus
អ្វីដែលទំនងជាការផ្លាស់ប្តូរដ៏គួរឱ្យភ្ញាក់ផ្អើលមួយទៀតដែលប៉ះពាល់ដល់ទីផ្សារដោះដូរកីឡាករនៅរដូវក្តៅ ហើយវាបានបញ្ជាក់កាលពីថ្ងៃចន្ទ គឺ Paulo Dybala នឹងមិនបន្តកុងត្រាជាមួយ Juventus ទេ។
កិច្ចប្រជុំមួយបានធ្វើឡើងកាលពីថ្ងៃចន្ទ ដើម្បីព្យាយាមស្វែងរកដំណោះស្រាយរវាងភាគីទាំងពីរ ប៉ុន្តែ Pavel Nedved និង Juventus មិនអាចស្វែងរកចំណុចរួមជាមួយអ្នកតំណាងរបស់ Dybala ឡើយ នេះយោងតាមប្រភព MARCA ។
សំរាប់កិច្ចព្រមព្រៀងដែល Dybala ចង់បាន គឺសម្រាប់តម្លៃពលកម្មចំនួន ៨លានអឺរ៉ូក្នុងមួយឆ្នាំ ជាមួយនឹងទឹកប្រាក់ចំនួន ២លានអឺរ៉ូបន្ថែមទៀត ដែលអាចសម្រេចបាន តាមរយៈការលេងលើទីលានជាក់ស្តែង។
ទោះជាយ៉ាងណាក៏ដោយ កិច្ចព្រមព្រៀងនេះ ត្រូវបានច្រានចោលដោយ Juventus ហើយការផ្តល់ជូនចុងក្រោយរបស់ពួកគេទៅកាន់កីឡាកររូបនេះ គឺជាកិច្ចព្រមព្រៀងដែលមានតម្លៃ ៧លានអឺរ៉ូក្នុងមួយឆ្នាំ ប៉ុន្តែសម្រាប់តែ ៣ឆ្នាំប៉ុណ្ណោះ ដែលតិចជាងចំនួនដែល Dybala ចង់បាន៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
