ខ្សែបម្រើ Toni Kroos របស់ Real Madrid បានប្រកាសពីការសម្រេចចិត្ត ក្នុងការចូលនិវត្តន៍ពីបាល់ទាត់ភ្លាមៗ នៅចុងបញ្ចប់នៃការប្រកួត Euro 2024 នៅរដូវក្តៅនេះ។

ដោយបង្ហោះលើ Instagram ដើម្បីបញ្ជាក់ពីការចូលនិវត្តន៍របស់គាត់ Kroos ដែលមានវ័យ ៣៥ឆ្នាំបានកត់សម្គាល់ថា គោលបំណងចុងក្រោយរបស់គាត់គឺ "ឆ្ពោះទៅលេខរៀងទី១៥" ដោយសំដៅទៅលើការឈ្នះពានរង្វាន់អឺរ៉ុបលើកទី១៥ របស់ Real Madrid ។

បន្ទាប់ពីចំណាយពេលមួយទសវត្សរ៍នៅ Madrid ក្នុងអំឡុងពេលនេះ Kroos ក៏បានឈ្នះពានរង្វាន់លីគ ចំនួន ៤ ដងនិង Club World Cup ចំនួន ៥ ដងផងដែរ ហើយបានបង្ហាញខ្លួនយ៉ាងល្អជាង ៤៥០ប្រកួត សម្រាប់ Real Madrid ដែលធ្វើឱ្យរូបគាត់ត្រូវបានដាក់ចូលទៅក្នុងកំពូលកីឡាករ ២០រូប ដែលបានបង្ហាញខ្លួនច្រើនជាងគេ គ្រប់ពេលវេលាសម្រាប់ក្លឹបអេស្ប៉ាញ។

សូមបញ្ជាក់ថា ខណៈពេលដែលអាជីពក្លឹបរបស់គាត់ទទួលបានពានរង្វាន់ជាច្រើន Kroos ក៏មានកិត្តិយសក្នុងឆាកអន្តរជាតិផងដែរ បន្ទាប់ពីឈ្នះពាន World Cup ឆ្នាំ២០១៤ បន្ទាប់មកបានបញ្ចប់ក្នុងចំណាត់ថ្នាក់លេខ៣កាលពីបួនឆ្នាំមុន។ ហើយ Euro ២០២៤ នឹងក្លាយជាគោលបំណងចុងក្រោយ នៃការឈ្នះពានរបស់គាត់៕