កីឡាករជម្រើសជាតិរបស់អេស្ប៉ាញ Nico Williams ដែលអាចលេងបានគ្រប់តំបន់ប្រយុទ្ធនោះ មានលក្ខខណ្ឌទិញផ្តាច់ ៤២.៨ លានផោននៅក្នុងកិច្ចសន្យារបស់គាត់។

ខ្សែប្រយុទ្ធ Nico Williams របស់ Athletic Bilbao ត្រូវបានកំណត់ថា ជាគោលដៅនៃការផ្លាស់ប្តូរទៅកាន់ក្របខ័ណ្ឌ Premier League រដូវក្តៅនេះ ដោយ Tottenham Hotspur កំពុងតែតាមដានស្ថានភាពរបស់កីឡាករសញ្ជាតិអេស្ប៉ាញរូបនេះ។

Williams ដែលមានវ័យ ២១ ឆ្នាំបានស្ថិតនៅលើរ៉ាដារបស់ក្លឹបចាយលុយកំពូលៗជាច្រើន បន្ទាប់ពីភាពលេចធ្លោជាមួយ​ Athletic Bilbao អស់រយៈពេល៣រដូវកាលកន្លងមកនេះ ដែលក្លឹបជាច្រើនកំពុងតែថ្លឹងថ្លែងលើកិច្ចព្រមព្រៀងទិញផ្តាច់តម្លៃ ៤២.៨​ លានផោននៅក្នុងកិច្ចសន្យារបស់គាត់។

Tottenham Hotspur កំពុងតាមដានខ្សែបម្រើស្លាប ខណៈដែលក្លឹបមានការវាយតម្លៃថា តើត្រូវការបន្ថែមកីឡាកររូបនេះ នៅតំបន់ប្រយុទ្ធនៃក្រុមរបស់លោក Ange Postecoglou នៅពេលដែលទីផ្សារដោះដូរកីឡាករបើកដែរឬទេ។ ខណៈដែល​ Chelsea ក៏​កំពុងតែតាមមើល​ Williams ផងដែរ៕