ប្រេស៊ីល នឹងត្រូវប្រកួតជាមួយ​ អេស្ប៉ាញ​ ក្នុងការប្រកួតមិត្តភាពអន្តរជាតិនៅសប្តាហ៍នេះ ក្រោមពាក្យស្លោក "One Skin" ជាផ្នែកនៃយុទ្ធនាការប្រឆាំងការរើសអើងជាតិសាសន៍។

Vinicius Jr បានស្រក់ទឹកភ្នែក នៅពេលគាត់និយាយអំពីបញ្ហា នៃការរើសអើងជាតិសាសន៍ ដែលគាត់បានប្រឈមមុខនៅក្នុងកីឡាបាល់ទាត់ ដែលកំពុងធ្វើឱ្យគាត់បាត់បង់ "ការចង់លេង" ការប្រកួតរបស់គាត់។

នៅក្នុងសន្និសីទសារព័ត៌មានដ៏រំជួលចិត្តមួយ Vinicius បានស្រក់ទឹកភ្នែកនៅពេលដែលគាត់បានឆ្លើយសំណួរ អំពីការរើសអើងជាតិសាសន៍ និងបញ្ហាដែលបានកើតឡើងចំពោះរូបគាត់។

កីឡាករវ័យ ២៣ឆ្នាំ នឹងមានវត្តមានសម្រាប់​ ប្រេស៊ីល​ នៅកីឡដ្ឋាន Santiago Bernabeu ថ្ងៃអង្គារនេះ​ សម្រាប់ការប្រកួតមិត្តភាពអន្តរជាតិជាមួយ អេស្ប៉ាញ​ ដែលនឹងត្រូវលេងក្រោមពាក្យស្លោក "One Skin" ដែលជាផ្នែកមួយនៃយុទ្ធនាការប្រឆាំងការរើសអើងជាតិសាសន៍។

គួរបញ្ជាក់ថា​ ខ្សែប្រយុទ្ធប្រេស៊ីល និង Real Madrid កីឡាករ Vinicius ត្រូវបានទទួលរងនូវការរំលោភបំពាន នៃការរើសអើងជាតិសាសន៍នៅកីឡដ្ឋានជាច្រើនជុំវិញប្រទេសអេស្ប៉ាញ ក្នុងរយៈពេលប៉ុន្មានឆ្នាំចុងក្រោយនេះ៕