Cristiano Ronaldo រកបានគ្រាប់បាល់ទី៥០របស់ខ្លួន​ ដែលជាគ្រាប់បាល់តែមួយគត់ក្នុងជ័យជំនះ​ ១-០ ក្រៅដីសម្រាប់ Al-Nassr ទល់និង​ Al-Ahli កាលពីថ្ងៃសុក្រ។

Al-Nassr បច្ចុប្បន្នកំពុងឈរនៅលេខ២ក្នុងតារាង Saudi Pro League ប៉ុន្តែមាន៩ពិន្ទុតាមពីក្រោយក្រុមកំពូលតារាង Al-Hilal​ ។ 

Ronaldo ដែលមានវ័យ៣៩ឆ្នាំ គឺជាកីឡាករស៊ុតបញ្ចូលទីនាំមុខគេ នៅ Saudi Pro League ដោយរកបានគ្រាប់បាល់សរុប២២គ្រាប់ក្នុងរដូវកាលនេះ​។

Ronaldo តែងតែស៊ុតបញ្ចូលទីជាទៀងទាត់ចាប់តាំងពីប្តូរមកកាន់ Al-Nassr ក្នុងខែមករាឆ្នាំ២០២៣​ បន្ទាប់ពីចាកចេញពី Manchester United ។

ជ័យជំនះនេះបានធ្វើឱ្យ Al-Nassr បញ្ចប់ទម្រង់លេងដ៏ខកចិត្តនាពេលថ្មីៗនេះ បន្ទាប់ពីឆ្លងកាត់​ ៤​ ប្រកួតមិនដែលឈ្នះនៅទូទាំងការប្រកួតទាំងអស់៕