មានការរំពឹងថា​ United ចង់បាន ៤៣​ លានផោន សម្រាប់ Mason​ Greenwood​ ។​ បច្ចុប្បន្នកីឡាកវ័យ២២ឆ្នាំ​រូបនេះ ​កំពុងខ្ចីជើងនៅ Getafe ពី United ហើយជាប់កុងត្រាជាមួយបិសាចក្រហមរហូតដល់ឆ្នាំ២០២៥។

សារព័ត៌មាន Marca របស់ប្រទេសអេស្ប៉ាញបានរាយការណ៍ថា United បានជួបជាមួយ Barcelona រួចទៅហើយចំពោះការផ្ទេរ។

Marca អះអាងថា ប្រធានក្លឹបបិសាចក្រហមបានជួបជាមួយ Deco ដែលជាប្រធានផ្នែកកីឡារបស់ Barca រួចទៅហើយ ហើយការចាប់អារម្មណ៍នេះគឺការពិត។

Greenwood ក៏ធ្លាប់និយាយថា នឹងពេញចិត្តក្នុងការផ្ទេរទៅកាន់ក្លឹបដែលមានឈ្មោះ ក្នុងការប្រកួតប្រជែងក្នុងក្របខ័ណ្ឌ Champions League ដែលធ្វើឱ្យការផ្លាស់ទៅ Saudi Arabia ឬ Getafe ទំនងជានឹងមិនកើតឡើងនោះទេ៕