Andreas Brehme ជាមួយគ្រាប់បាល់ពិន័យបាល់ប៉េណាល់ទីនៅចុងម៉ោងក្នុងវគ្គផ្តាច់ព្រ័ត្ររបស់គាត់ នៃការប្រកួតឆ្នាំ១៩៩០​ ដែលជួយឱ្យអាឡឺម៉ង់យកឈ្នះលើអាហ្សង់ទីនក្នុងទីក្រុងរ៉ូម​ ហើយទីបំផុតគាត់បានក្លាយជាវីរបុរសបាល់ទាត់មួយរូប។

លោក​ Brehme លេងឱ្យ Kaiserslautern ពីឆ្នាំ ១៩៨១​ ដល់​ ១៩៨៦ និង ១៩៩៣​ ដល់​ ១៩៩៨ ។​ គាត់បានឈ្នះពានរង្វាន់ Bundesliga ក្នុងឆ្នាំ១៩៩៨ និង German Cup ក្នុងឆ្នាំ១៩៩៦ កំឡុងពេលគាត់នៅជាមួយក្លឹប ហើយគាត់ក៏ធ្លាប់ជាអ្នកចាត់ការទូទៅពីឆ្នាំ ២០០០​ ដល់​ ២០០២ ផងដែរ។

លោក​ Brehme ក៏ជាខ្សែការពារស្លាបឆ្វេងដែលលេងនៅ Bayern ពីឆ្នាំ ១៩៨៦​ ដល់​ ១៩៨៨ ហើយបានឈ្នះជើងឯក Bundesliga ជាមួយ​ Bayern នៅឆ្នាំ១៩៨៧។

បន្ទាប់ពីចាកចេញពីទីក្រុង Munich លោក Brehme បានចំណាយពេល៤រដូវកាល នៅអ៊ីតាលី ជាមួយ Inter ដោយឈ្នះពានរង្វាន់ Serie A និង UEFA Cup ជាមួយក្លឹបយក្សរបស់អ៊ីតាលីផងដែរ៕