Erling Haaland មានការក្តៅក្រហាយបន្ទាប់ពីឱកាសគ្រាប់បាល់ជ័យជម្នះចុងម៉ោងរបស់ Manchester City ត្រូវបានបញ្ឈប់ក្នុងម៉ោងបន្ថែមអំឡុងពេលកំពុងប្រកួតជាមួយ Tottenham ដែលនេះជាការសម្រេចចិត្តមិនប្រក្រដីមួយរបស់​អាជ្ញាកណ្តាល។

ខណៈដែល Man City ធ្វើការវាយបក ដើម្បីរកគ្រាប់បាល់ឈ្នះនៅនាទីចុងក្រោយ ដែល​ Haaland ត្រូវបាន Emerson Royal បង្កឱ្យមានកំហុស ហើយលោក Simon Hooper បានអនុញ្ញាតឱ្យ​លេងបន្ត​ ពេលនោះ Haaland បញ្ជូនបាល់ទៅឱ្យ Jack Grealish ដែលជាបាល់ចំណេញ តែប៉ុន្មានវិនាទីក្រោយមកគាត់ផ្លុំកញ្ចែរបស់គាត់ដើម្បីបញ្ឈប់នឹងលេងឡើងវិញ។

លោក​ Hooper មិន​បាន​ផ្លុំ​កញ្ចែដំបូង​ទេ ហើយគាត់​គួរ​តែ​អនុញ្ញាត​ឱ្យ​លេង​បន្ត ដែលពេលនោះ​ Grealish គឺ​នៅសល់មួយ​ទល់​នឹង​មួយ​ជាមួយ​អ្នក​ចាំទី​ប៉ុណ្ណោះ។ 

Haaland បានធ្វើការតវ៉ា ហើយស្រែកខ្លាំងៗដាក់លោក Hooper ដោយមិនទទួលផលអ្វីឡើយ ហើយនៅពេលដែលសំឡេងកញ្ចែពេញម៉ោងបានផ្ទុះឡើង​ ភ្លាមៗក្រោយពីចូលទៅក្នុងបន្ទប់ផ្លាស់សំលៀកបំពាក់ Haaland បានបង្ហោះវីដេអូឃ្លីបនៃឧប្បត្តិហេតុនោះ​ អមជាមួយនឹងចំណងជើងថា "Wtf"៕