Barcelona រង​នូវ​សំពាធជាមួយនឹងការព្រួយបារម្ភជាខ្លាំង ​បន្ទាប់​ពី​កីឡាករ​វ័យក្មេងដ៏​អស្ចារ្យ Gavi បាន​ដួល​ដោយ​របួស​ជង្គង់​យ៉ាង​ធ្ងន់ធ្ងរ។

Gavi​ ដែលមាន​វ័យ​ ១៩​ឆ្នាំ​ បាន​ចាប់​ផ្តើម​ប្រកួតដំបូងសម្រាប់ Spain ជាមួយ​ ​Georgia ក្នុងវគ្គជម្រុះ​ Euro ២០២៤​ កាល​ពី​ថ្ងៃ​អាទិត្យ​ ប៉ុន្តែ​កីឡាកររូបនេះត្រូវ​បានបង្ខំចិត្តប្តូរចេញ​ក្នុង​តង់​ទី​មួយ​ក្រោមការដឹកនាំរបស់លោក Luis de la Fuente។

ហើយមិត្តរួមក្រុម Barca និង Spain​ កីឡាករ Ferran Torres បានអបអរគ្រាប់បាល់របស់គាត់ដោយលើកអាវលេខ ៩ របស់ Gavi ដែលធ្វើឱ្យមានការសន្និដ្ឋានថារបួសនេះគឺមិនស្រាលនោះទេ។

សូមបញ្ជាក់ថា​ Barcelona បានកំណត់ក្តីសង្ឃឹមខ្ពស់ទៅលើ Gavi ក្នុងរដូវកាលនេះ បន្ទាប់ពី Frenkie de Jong និង Pedri រងរបួសត្រូវអវត្តមាន៕