Alex Song ដែលជាអតីត​កីឡាករ​របស់​ Arsenal បាន​ប្រកាស​ចូល​និវត្តន៍​ពី​បាល់ទាត់។​ ក្នុងអាជីពរបស់កីឡាករវ័យ ៣៦ឆ្នាំរូបនេះ​ បានឱ្យឃើញថាគាត់បានបង្ហាញខ្លួន ៤៩ ប្រកួតសម្រាប់ក្រុមជម្រើសជាតិកាមេរូន។

Song ធ្លាប់លេងឱ្យ Arsenal, Barcelona និង West Ham ក៏ដូចជាចំណាយពេលដ៏ខ្លីនៅប្រទេសរុស្ស៊ី​ជាមួយក្លឹប​ Rubin Kazan ។​ ប៉ុន្តែគាត់បានព្យួរស្បែកជើងរបស់គាត់នៅក្លឹប Arta Solar 7 ក្នុងលីគ Djibouti Premier League ។

ខ្សែបម្រើការពាររូបនេះបានផ្លាស់ទៅកាន់ក្លឹបនៅអាហ្វ្រិកខាងកើតកាលពី៣ឆ្នាំមុនក្នុងឆ្នាំ ២០២០ បន្ទាប់ពីចាកចេញពីក្លឹប FC Sion របស់ប្រទេសស្វីស។

ហើយគាត់បានធ្វើជាប្រធានក្រុមដឹកនាំ Arta Solar 7 ឱ្យឈ្នះពានក្នុងលីគដំបូងក្នុងរយៈពេល ៤១ ឆ្នាំ​ ក្នុងរដូវកាលដំបូងរបស់គាត់ជាមួយក្លឹប៕