បន្ទាប់ពីឆ្លងកាត់ការប្រកួតក្រៅទឹកដី២ប្រកួតជាប់គ្នា​ ដែលរកបានត្រឹមតែមួយពិន្ទុ Fulham នឹង​ត្រូវធ្វើជាម្ចាស់ផ្ទះ​ក្នុងជំនួបជាមួយ​ Manchester United ថ្ងៃសៅរ៍នេះ។

Fulham បានធ្លាក់មកឈរនៅលេខ១៤ ក្នុងតារាង Premier League បន្ទាប់ពីប្រកួតចាញ់ Tottenham ២-០ ក្រៅទឹកដីនិងស្មើ​ជាមួយ​ Brighton ១-១ ក្រៅទឹកដីដូចគ្នាផងដែរ។ 

ចំណែកឯ​ក្រុមបិសាចក្រហម​ Manchester United ក៏មិនខុសពីក្រុមម្ចាស់ផ្ទះដែរទេ​ ខណៈដែលទើបតែប្រកួតចាញ់​ ២​ ប្រកួតក្នុងទឹកដី​ជាប់គ្នា ដោយចាញ់ Manchester City ៣-០​ ក្នុងជំនួប Manchester Derby និង​ ចាញ់​ Newcastle United ៣-០​ ក្នុងពាន​រង្វាន់ Carabao Cup ។

Manchester United ចូលក្នុងរដូវកាលថ្មីនេះ ដោយមានទម្រង់លេងមិនស៊ីសង្វាក់គ្នាទេ ដោយឈ្នះ​ ៥​ ប្រកួត ប៉ុន្តែចាញ់ក៏ ៥​ ប្រកួតផងដែរនៅក្នុង​ចំណោម​ ១០​ ប្រកួតកន្លងមក។ 

ការព្យាករណ៍​ :​ ថ្វីបើ Manchester United មានទម្រង់លេងមិនស៊ីសង្វាក់គ្នាក៏ដោយ Fulham នៅតែប្រឈមមុខនឹងគូប្រកួតដ៏លំបាក ហើយជាពិសេស​ United ក៏ធ្លាប់ឈ្នះ​ ៦​ ប្រកួតក្នុងចំណោមការជួបគ្នា ៧ ប្រកួតចុងក្រោយផងដែរ។

ដូច្នេះជម្រើសចម្បងរបស់យើងនៅក្នុងការប្រកួតនេះគឺ​ Manchester United​ ឈ្នះ៕