Manchester United និង Newcastle United នឹងរំលឹកដល់ការប្រកួត League Cup ក្នុងវគ្គផ្តាច់ព្រ័ត្រកាលពីរដូវកាលមុន ដោយក្រុមទាំងពីរត្រូវមកជួបគ្នាក្នុងជុំទី១៦ នៅថ្ងៃពុធនេះ។

Manchester United ប្រកួតឈ្នះ ៧ ប្រកួតចុងក្រោយដែលគិតតែការប្រកួតក្នុង League Cup រួមទាំងវគ្គផ្តាច់ព្រ័ត្រកាលពីរដូវកាលមុនផងដែរ​ ដែលក្នុងនោះ​ ៥​ ប្រកួត​ជាការលេងនៅក្នុងទឹកដី។ 

Newcastle​ United កំពុងស្វែងរកវិធីឈ្នះមកវិញដោយសារពួកគេមិនបានប្រកួតឈ្នះ ២​ ប្រកួតចុងក្រោយ​ ដែលចាញ់​ Dortmund ១-០​ នៅ Champions League​ ហើយស្មើជាមួយ​ Wolves​ ២-២​ ក្នុងលីគ។ 

Newcastle​ United កំពុងតែលេងមិន​ស៊ីសង្វាក់​គ្នា ជា​ពិសេស​ការប្រកួតក្រៅ​ទឹកដី​ ដែលជាក្រុមក្នុងការប្រកួតថ្ងៃពុធនេះថ្ងៃពុធ​ ពួកគេប្រកួតឈ្នះតែ​ ១​ ប្រកួតគត់ក្នុងចំណោម​ ៦​ ប្រកួតក្រៅដីចុងក្រោយ។

គួររំលឹកឡើងវិញថា​ ក្នុងជុំទីបី​ Manchester United ប្រកួតឈ្នះ​ Crystal Palace ៣-០ ចំណែកឯ​ Newcastle​ United ប្រកួតឈ្នះ Manchester City ១-០​ ។

ការព្យាករណ៍​ :​ Manchester United ហាក់ដូចជាមាន​ប្រៀប​ជាង ជា​ពិសេស​ពេល​លេង​នៅ​ក្នុងទឹកដី​ ហើយក៏ធ្លាប់បានយកឈ្នះ Newcastle ក្នុងវគ្គផ្តាច់ព្រ័តកាលពីរដូវកាលមុនផងដែរ។

ដូច្នេះជម្រើសចម្បងរបស់យើងនៅក្នុងការប្រកួតនេះ គឺ​ Manchester United​ ឈ្នះ៕