ជំនួបនៅទីក្រុងឡុងដ៍ថ្ងៃពុធនេះ ក្នុង League Cup ដែល West Ham United ត្រូវធ្វើជាម្ចាស់ប្រកួតជាមួយក្រុមភ្ញៀវ​ Arsenal ក្នុង​ជុំ​ទី​បួន។

West Ham បានបរាជ័យក្នុងស្វែងរកជ័យជម្នះ​ ៤​ ប្រកួតចុងក្រោយ ក្នុងនោះចាញ់​ ៣​ ប្រកួត​ ហើយទើបតែប្រកួតចាញ់​ Everton ១-០ ក្នុង​ការ​ប្រកួត​លីគ​ មុននឹងឈានចូលដល់ការប្រកួតនេះ។

Arsenal មានទម្រង់លេងល្អខ្លាំងក្នុងរដូវកាលនេះ ហើយចាញ់តែ​ ១​ប្រកួតគត់ក្នុងចំណោម​ ១៥​ ប្រកួតនៅទូទាំងការប្រកួតទាំងអស់។ កាលពីថ្ងៃសៅរ៍​ Arsenal ទទួលបានជ័យជម្នះដ៏ធំបំផុតមួយក្នុងលីគ តាមរយៈការយកឈ្នះលើ​Sheffield United ៥-០ នៅលើទឹកដីខ្លួនឯងក្នុងលីគ។ 

Arsenal មិន​ទាន់ចាញ់​ក្នុង​ការ​ប្រកួត​ក្នុង​ស្រុក​នៅឡើយទេ​ក្នុង​រដូវ​កាល​នេះ ហើយ​សម្រាប់ការប្រកួតនៅ​ក្រៅ​ទឹកដី​ ពួកគេឈ្នះ​ ៥​ ប្រកួតក្នុង​ចំណោម​ ៦​ប្រកួត។

គួររំលឹកឡើងវិញថា​ ក្នុងជុំទីបី​ West Ham United ប្រកួតឈ្នះ​ Lincoln City​ ១-០​ ចំណែកឯ​ ក្រុមកាំភ្លើងធំ​ Arsenal ប្រកួតឈ្នះ Brentford ១-០​ ។ 

ការព្យាករណ៍​ :​ ទាំង Arsenal និង West Ham សុទ្ធសឹងតែមានគ្រាប់បាល់ស៊ុតបញ្ចូលទីគ្រប់ប្រកួតរដូវកាលនេះ។ លើសពីនេះទៅទៀត​ ក្រុមទាំងពីរពិបាកក្នុងការរក្សា Clean Sheet (គ្មានរបូតគ្រាប់បាល់)​ ជាពិសេសក្នុងការប្រកួតថ្មីៗរៀងៗខ្លួនដូចគ្នា។ ដូច្នេះជម្រើសចម្បងរបស់យើងនៅក្នុងការប្រកួតនេះ គឺ​ Arsenal​ ២-១​ West Ham​៕