Jobe ដែលត្រូវជាប្អូនប្រុសរបស់ Jude Bellingham ដែលបច្ចុប្បន្នកំពុងលេងឱ្យ Sunderland ត្រូវបានគេរាយការណ៍ថា កំពុងស្ថិតក្រោមការតាមដានពី Real Madrid​ ។ 

Jobe ដែលបានផ្លាស់ពី Birmingham City ទៅកាន់​ Sunderland នៅរដូវក្តៅ​ក្នុងលីគ​ Championship ក្រោមការដឹកនាំរបស់អ្នកចាត់ការ Tony Mowbray កំពុងតែមានការចាប់អារម្មណ៍ក្នុងរដូវកាលនេះ។

Real Madrid បានបញ្ជូនអ្នកសង្កេតការណ៍ឱ្យទៅមើលការប្រកួតរបស់​ Jobe Bellingham ដែលកំពុងលេងឱ្យក្រុមក្រុមជម្រើសជាតិអង់គ្លេស អាយុក្រោម ១៩ឆ្នាំ​ អំឡុងពេលការសម្រាកអន្តរជាតិ នេះបើយោងតាមរបាយការណ៍មួយរបស់អេស្ប៉ាញ។

"រាយការណ៍ពី El Nacional បានឱ្យដឹងថាលោក Perez បានស្នើឱ្យលោក Juni Calafat បញ្ជូនបុគ្គលិករបស់គាត់ខ្លះទៅមើល Jobe ដែលមានអាយុ ១៨​ ឆ្នាំ​ ដែលកំពុងលេងឱ្យជម្រើសជាតិ​អង់គ្លេសក្នុងកម្រិតអាយុក្រោម ១៩​ឆ្នាំ អំឡុងពេលសម្រាកអន្តរជាតិដែលប្រកួតជាមួយ​ ម៉ុងតេណេហ្គ្រោ​៕"