កីឡដ្ឋាន WEMBLEY នឹងត្រូវបានប្រែក្លាយទៅជាបន្ទាយមួយ​ ដែលចំណាយតម្លៃ ៤.៣លានផោន លើការកែប្រែផ្នែកសន្តិសុខ សម្រាប់ការប្រកួតវគ្គផ្តាច់ព្រ័ត្រ Euro 2028។

ការកែលម្អនេះ ធ្វើឡើងដើម្បីបញ្ជៀសការកើតឡើងជាថ្មីម្តងទៀត នៃភាពចលាចលដែលបានផ្ទុះឡើងក្នុងវគ្គផ្តាច់ព្រ័ត្រ Euro 2020។

ហេតុការណ៍នោះ កើតឡើងដោយ​ក្រុមអ្នកចូលទស្សនា​គ្មាន​សំបុត្រ​ បាន​បំផ្លាញ​កន្លែង​តាំង​បង្ហាញ​នៅ​កីឡដ្ឋាន Wembley ដោយ​មនុស្សជាច្រើនបានសំរុកចូលតាម​ច្រក​ទ្វារ បើទោះបីជាមានសន្តិសុខ​ការពារក៏ដោយ។ 

ប៉ុន្តែការកែលម្អដោយប្រើដែកដែលរំព័ទ្ធដោយរបងទប់ស្កាត់ការឡើង ដែលមានកំពស់ ១២ហ្វីត និងកាមេរ៉ាដែលមានគុណភាពក្នុងការចាប់យករូបភាពយ៉ាងច្បាស់ចំនួន ៥០គ្រឿង​ នឹងការពារការបំពានបែបនេះមិនឱ្យកើតឡើងនៅឆ្នាំ២០២៨៕