Virgil Van Dijk និយាយ "លាហើយ" ទៅកាន់អ្នកគាំទ្រ Liverpool

Virgil Van Dijk បានសម្រេចចិត្តបញ្ចប់ពេលវេលារបស់គាត់ជាមួយ Liverpool នៅចុងបញ្ចប់នៃរដូវកាលនេះ។

ខ្សែការពារសញ្ជាតិហុល្លង់បានក្លាយជាផ្នែកមួយដ៏សំខាន់ក្នុងតំបន់ការពាររបស់ក្រុមហង្សក្រហម ប៉ុន្មានឆ្នាំចុងក្រោយនេះ ប៉ុន្តែការខកចិត្តនាពេលថ្មីៗ ដូចជាការធ្លាក់ចេញពីក្របខ័ណ្ឌ Champions League និងចាញ់ក្នុងវគ្គផ្តាច់ព្រ័ត្រ Carabao Cup បានធ្វើឱ្យ Van Dijk សម្រេចចិត្តស្វែងរកបទពិសោធថ្មី។

ខ្សែការពារកណ្តាលដែលនៅ Anfield តាំងពីឆ្នាំ២០១៨ មានអារម្មណ៍ថា វាដល់ពេលដែលត្រូវធ្វើការផ្លាស់ប្តូរហើយ។ ជាមួយនឹងកិច្ចសន្យាដែលនឹងផុតកំណត់នៅរដូវក្តៅនេះ Van Dijk ស្ថិតក្នុងពេលវេលាដ៏ល្អមួយ ដើម្បីធ្វើការសម្រេចចិត្តផ្លាស់ប្តូរថ្មី ស្របពេលដែល Liverpool នឹងមិនទទួលបានអ្វីសោះ ពីការចាកចេញរបស់គាត់។ 

ទិសដៅដែលជាពាក្យចចាមអារ៉ាម ក្នុងប៉ុន្មានថ្ងៃថ្មីៗនេះ គឺ Paris Saint-Germain។ ក្លឹបយក្សរបស់បារាំងដែលតែងតែស្វែងរកការពង្រឹងគុណភាពតំបន់ការពារ បានមើលឃើញថា Van Dijk កំពុងស្ថិតក្នុងការចុះហត្ថលេខាដោយគ្មានតម្លៃផ្ទេរ។ បើទោះបីជានឹងមានការប្រកួតប្រជែងដណ្តើមការចុះហត្ថលេខាខ្សែការពាររូបនេះក៏ដោយ ក៏ PSG ចាប់អារម្មណ៍ជាខ្លាំង ក្នុងការនាំយករូបគាត់ទៅកាន់ទឹកដី Parc des Princes។

សម្រាប់ Liverpool ការចាកចេញរបស់ Van Dijk នឹងបង្ហាញពីការបាត់បង់ដ៏ធំមួយ ខណៈដែលគាត់ត្រូវបានគេចាត់ទុកថា ជាខ្សែការពារដ៏ល្អបំផុតមួយនៅក្នុងពិភពលោក។ ឥឡូវនេះ ក្រុមហង្សក្រហម នឹងត្រូវរកកីឡាករ ដើម្បីជំនួសតំណែងប្រធានក្រុម និងខ្សែការពាររបស់ពួកគេ ខណៈពេលដែល Van Dijk រៀបចំសម្រាប់ការបើកជំពូកថ្មីក្នុងអាជីពរបស់គាត់៕

ព័ត៌មានទាក់ទង

៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល​

៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល​

វិភាពការប្រកួតរវាង អាម៉ានៀ vs ព័រទុយហ្កាល់​

វិភាពការប្រកួតរវាង អាម៉ានៀ vs ព័រទុយហ្កាល់​

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Silva របស់ក្លិប Wolves​

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Sil...​

ចូលទៅកាន់ ហ្វេសបុកផេកពួកយើង

ទំព័រដើម ផ្សាយផ្ទាល់ ព័ត៌មាន ទំនាក់ទំនង