Frenkie de Jong នៅតែជាផ្នែកដ៏សំខាន់មួយ សម្រាប់ Barcelona ប៉ុន្តែអនាគតរបស់គេនៅជាមួយក្លឹប មិនត្រូវបានធានាទាំងស្រុងនោះទេ។ ដោយកិច្ចសន្យានឹងត្រូវបញ្ចប់នៅខែមិថុនាឆ្នាំក្រោយ ខ្សែបម្រើសញ្ជាតិហុល្លង់ បានទាក់ទាញចំណាប់អារម្មណ៍ពីក្រុមអឺរ៉ុបជាច្រើន ហើយមួយក្នុងចំណោមក្រុមទាំងនោះគឺ Manchester United។

ក្លឹបដែលមានមូលដ្ឋាននៅអង់គ្លេស បានដាក់សំណើ ៦៥លានអឺរ៉ូ  ក្នុងគោលបំណងទិញយកខ្សែបម្រើរូបនេះ នៅក្នុងទីផ្សារដោះដូរកីឡាករនាពេលខាងមុខ។

ប៉ុន្តែបើទោះបីជាទទួលបានការផ្តល់ជូនដ៏សំខាន់ក៏ដោយ ក៏ Barcelona បានធ្វើការបដិសេធលើសំណើនេះ។ ក្រុមប្រឹក្សាភិបាល Barca ជឿជាក់ថា កីឡាកររូបនេះនៅតែមានសារៈសំខាន់ចំពោះគម្រោងរបស់ក្លឹប ដូច្នេះហើយក្លឹបនឹងបន្តកិច្ចសន្យាថ្មី។

ស្របពេលជាមួយគ្នានេះ Manchester United មិនបានលាក់បាំងពីគោលបំណងរបស់ខ្លួន ក្នុងការបន្ថែមខ្សែបម្រើដ៏មានទេពកោសល្យរូបនេះឡើយ។ United ធ្លាប់បានព្យាយាមចុះហត្ថលេខាលើរូបគេ ប៉ុន្តែមិនបានជោគជ័យ ហើយឥឡូវនេះ ពួកគេបានត្រលប់មកវិញ ដោយសង្ឃឹមថា ស្ថានភាពហិរញ្ញវត្ថុរបស់ Barcelona អាចជួយសម្រួលដល់ការផ្ទេរនេះ។ 

ទោះជាយ៉ាងណាក៏ដោយ Barcelona នៅតែប្រកាន់ខ្ជាប់នូវជំហររបស់ខ្លួនថា Frenkie de Jong មិនមែនសម្រាប់លក់ទេ ទោះក្នុងតម្លៃណាក៏ដោយ៕