លោក Jose Mourinho មានការជឿជាក់ទាំងស្រុង ចំពោះការលេងរបស់ Filip Kostic នៅ Fenerbahçe ហើយបានស្នើសុំក្រុមប្រឹក្សាភិបាលរបស់ក្លឹបទួតគីរួចទៅហើយ ដើម្បីរក្សាកីឡាកររូបនេះជាអចិន្ត្រៃយ៍។

កីឡាករសញ្ជាតិស៊ែប៊ីរូបនេះ ត្រូវបានខ្ចីជើងពី Juventus រហូតដល់ចុងបញ្ចប់នៃរដូវកាលនេះ គឺជាផ្នែកមួយដ៏សំខាន់នៅក្នុងគម្រោងរបស់លោក Mourinho។

របាយការណ៍ពីប្រទេសអ៊ីតាលីបង្ហាញថា Juventus មានឆន្ទៈចែកផ្លូវជាមួយនិង Kostic ដោយគ្មានឧបសគ្គច្រើននោះទេ ហើយកីឡាកររូបនេះក៏មិនស្ថិតក្នុងគម្រោងរបស់លោក Cristiano Giuntoli ឬ Thiago Motta ផងដែរ។

ផ្ទុយទៅវិញ ឥទ្ធិពលរបស់ Kostic នៅក្នុងប្រទេសទួតគីកាន់តែកើនឡើងគួរឱ្យកត់សំគាល់ ដោយលេងបាន ២៥ប្រកួត នៅគ្រប់ការប្រកួតទាំងអស់ ហើយបានរួមចំណែកដល់ការស៊ុតបញ្ចូលទី ២គ្រាប់ និង assists ៦ដង។ 

វត្តមានរបស់គាត់ក្នុងក្រុមរបស់ Fenerbahçe ពិតជាសំខាន់ ដែលធ្វើឱ្យលោក Mourinho សម្រេចចិត្តស្នើសុំការចុះហត្ថលេខារូបគាត់ជាអចិន្ត្រៃយ៍៕